Meaning Of Ghandahara, Gandahara Meaning In Pashto. Pashto Blog about Gandahara Meanings. What Means By Gandahara.
Meaning Of Ghandahara, Gandahara Meaning In Pashto. Pashto Blog about Gandahara Meanings. What Means By Gandahara.
د ګندهارا معنیٰ
د نولسمې صدۍ له نيمائۍ څخه چې په ګندهارا سيمه اؤ کلتور څېړنې پېل شوې نو يؤ کار په کښې دا اوشو چې د دې ټکي معنیٰ اوکړے شوه ۔ ګند په معنیٰ د خوشبويۍ او هار مطلب سيمه/زمکه ۔ يعني د خوشبويۍ اؤ وږمو زمکه ۔ لکه څنګه چې نور کلونئل علم اؤ علمي مطالب اوږد محاله اغېز اؤ قبوليت لري ; دغه رنګه حال د ګندهارا د خوشبويۍ د سيمې د معنې هم دے ۔ په پاکستان کښې د ګندهارا سره تړلي خلک د دې د معنې په حقله اوپوښته اؤ ځواب به هم دغه راځي چې د وږمو خاؤره ۔ خو په نزدو کلونو کښې د پېښور يونيورسټۍ د ارکيالوجي ډيپارټمنټ ريټائرډ پروفېسر ډاکټر عبدالرحمان د ګندهارا نوې معنیٰ وړاندې کړې ده ۔ هغه د ډېر بشپړه بحث نه پس وايي چې ګند په معنیٰ د اوبو/تالاب دے اؤ هار هم دغه زوړ مطلب يعني سيمه/خاؤره لري ۔ اؤ دغه رنګه د ګندهارا معنیٰ شوه چې د اوبووطن/کنډول ۔ پروفېسر رحمان وايي چې د پېښور وادۍ جغرافيائي جوړښت هم د دې معنې پخلے کوي ۔ په بل اړخ دغه سيمه د ګلونو سره نسبت د اوبو په مقابل کښې کم لري ۔ څوک دا دليل کولے شي چې د ګندهارا نوم اؤ معنیٰ د ګلونو خوشبويو زمکه علامتي دي چې د بده مت د فلسفې د شتون اؤ روايت په وجه ورته وئيلے کېدل ۔ خو دا نکته نظر هله کمزورے شي چې کله مونږ ته اووئيلے شي چې د هند په پخوانو کتابونو کښې دغه زمکه د بده ازم د ظهور نه ډېره مخکښې د ګندهارا په نوم ياده کړے شوې ده ۔
نوټ : -
اوس په دې دواړو معنو کښې دې کومه اومنلے شي اؤ کومه نه ؟ دا د لوستونکو اؤ څېړنکارو خپل کار دے ۔ البته د زده کوونکو اؤ محقيقينو په حېث مونږ ته په کار ده چې د علمي بحثونو اؤ رغاؤڼو نه خبر يو ۔
Comments
Post a Comment
Thanks for visiting Pashto Times. Hope you visit us again and share our articles on social media with your friends.