داپریدیو ملي مبارز او اتل ملتان خان اپریدی
------------------------------------------------
ملتان خان په اصل کې زخه خیل اپریدی و. ده دخیبر دنورو اپریدیو په څیر په ۱۸۷۸- ۱۸۷۹ ، ۱۸۹۸ او ۱۹۰۱ زیږدیز/میلا دي کلو نو کې یې دپیرنګیانو پر خلاف دملي مبارزو لار ښوونه کړې وه . ملتان خان په ځوانۍ کې دانګریزانو د پوځ په پنجابي ۲۶ رجمنټ کې دوسلو او پوځی زده کړوکې ډیر مهارت تر لاسه کړ، خو وروسته یې دپوځی چارو نه استعفا ورکړه . ده انګریزانو ته په ۱۹۰۲ زیږدیز کال کې په کوهاټ ، په ۱۹۰۵ زیږدیز کال کې په پيښور ، په ۱۹۰۶ زیږدیز کال کې په ماشوخیلوکې او همدارازز په ۱۹۰۹ زیږدیز کال کې په ځینو نورو سیمو کې درانه زیانونه ورسول.
په پای کې دده یوه غدار ملګري شیر غلام ورته دسیسه جوړه کړه او دی دانګریزانو له خوا ونیول شو .انګریزانو شیر غلام ته دده ددغه خدمت په بدل کې هغه ته دوه زره روپۍ انعام ورکړ.وروسته انګریزانو ده ته دپهاڼسۍ سزا ورکړه او شهید یې کړ .
داپریدو دملي اتل ملتان خان اپریدي اروا دې ښاده وي !
Multan Khan Afridi
Comments
Post a Comment
Thanks for visiting Pashto Times. Hope you visit us again and share our articles on social media with your friends.