Adv Hamayun Kasi blog

د افغانستان د تقسیم بنياد يې نن په باقاعده توګه کېښودى.

چې د افغان ملت ملغلرې قامونه، اوزبک، تاجک، ترکمن، هزاره او بلوڅ په کم حکومت کشې برخه نه لري هغه د افغانانو حکومت نه بلکې د دلالانو حکومت دى.

دغه نن چې کم حکومت اعلان شوى دغه به د افغانستان هغه تقسیم ته زمينه برابروي، د کم په هکله چې موږ له کلونو اندېښنه څرګندوو.

ټاليب ښکاره خبره ده چې پخپل زور نه دى راغلى د امریکا او پنجابي پوځ په زور راغلى دى. ځکه به اوس په دا سيمه کشې د امریکا او پنجابي پوځ موخې مخ پر وړاندې وړي.

پنجاب به هتمن دا غواړي چې د افغانستان ټکى له منځه ولاړ شي. شماليان به د خوراسان او لا په بل کم نامه رياست جوړ کړي او د ټاليبانو دغه پاته خوا به پښتونستان و نوموي. دغه پښتونستان بيا د پاکستان تر مکمله واکداري لاندې راوستل ډېر آسانه دى.

که د چا دا خيال وي چې د پښتنو به آزاد پښتونستان وي نو دا خوب کېدلى شي خو حقیقت ځکه نه، چې ملکونه د مټو په زور او په تدبیر جوړېږي، پشتانه نه خو د مټو زور لري او نه تدبیر، بلکې له سره ملتپالنه پېژني هم نه.

لکه څه رنګه چې د پښتنو افغانانو څلور رياستونه او بيا فاټا پاکستان هضم کړه، او د پښتنو په مرسته يې دا ټول وطن هضم کړى، هغه شانتې به دغه پاته وطن هم هضم کوي او د پښتنو په مرسته به يې کوي.

دا کم خلق چې په نني حالاتو کې چې د پښتو او دري او پښتون او غېر پښتون کرکې خوروي دا ټول د پنجابي پوځ اېجنډه مخ په وړاندې وړي او زما محکم يقين دى چې دا کار په ناپوهۍ کې هم نه کوي بلکې په شعوري توګه يې کوي. هغه که بيا اسماعیل يون دى او که داسې نور ډېر پرديپاله.

ټاليب که چېرې افغان وايي لا حلالونى وايي نو به يې ملې حکومت اعلان کړى وايي.

دغه هغه د پنجابي جنرل فېض حميد فارمولا ده، کم لره چې هغه کابل ته تللى وو.

اوس که چېرې د پکتيا او کندهار پشتانه د دې ناروا پر زد غږ نه پورته کوي، چې د ملت ټولو قامونو ته بايد سمه برخه ورکړل شي، نو بيا دا نور قامونه حق لري چې په هر نامه لاره بېلوي بېله يې کړي.

خو د دې ټوله پړه به پخپله پر پښتنو وي.

کلي په زور نه کېږي، چې انصاف نه وي نو سکني وروڼه هم نه سره کشېني.

پښتانه د افغان ملت اتيا سلنه برخه ده پر لر او بر کشې، او دا د پښتنو زمه داري او وظيفه ده چې د دا نورو وروڼو سره انصاف و کړي او په حکومت کې يې برخمن کړي.

که داسې نه کوي تاريخ ته به بل يو قام نه وي مختورن، خالي پښتانه به مختورن وي.

زما له خوا لعنت پر ټولو پرديپالو.