Da Saba Bada Guzar Pa Chaman Bia Ka. Khushal Khattak

Da Saba Bada Guzar Pa Chaman Bia Ka. Khushal Khattak.

Pashto Ghazal. Da Saba Guzar Pa chaman 

Singer. Ustad Sadiq Fitrat Nashanas.

Poet. Khushal Khan Khattak Baba

د صبا باده ګذر په چمن بيا کړه

په چمن کښې رنګارنګ ګلونه وا کړه

زه دې توان د خرخشو لرم چه کړې یې

که دې زړه زما په مرګ دی دا ادا کړه

بې نياز څه خبر له نازه ، چې ناز څه دی

ستا د سترګو بلا واخلم ناز په ما کړه

زه له خپله بخته چا وته فرياد کړم

چې پرون ئې راته مخ وو ، نن يې شا کړه

خوله مې ډکه شوه په شهدو په شکرو

چه سحر مې ستا د لام و بې ثنا کړه

عاشقي که سراسر واړه بلا ده

ما په ځان د زړه قبوله دا بلا کړه

زه خوشحال کمزوری نه يم چې به ډار کړم

په ښکاره نارې وهم چې خوله ئې راکړه

( خوشحال خان خټک )