Khushal Khan Khattak Baba Ghazal. Composed In 2022
څو په باغ کې لا يو ګل د نوبهار شته
د بلبلو، د توتيانو پرې چغــــار شــــته
نن دې غم له مانه ځان ساتي که ښه/څه کا
چې په سيل د بهــــــار راســره يــــار شــته
ګل و مل، ساز و سرود، ساقي سرې سترګې
لا به ډېر عالم رسوا کا چې دا چــــــــار شته
د ګلونو په موسم کې خوار هغــــــــه دی
چې يې نه پياله په لاس نه يې نګار شته
نن هغه شــــــاه جهان د زمـــــانې دی
چې دسته يې د ګلونو په دستار شته
چې نا اهــــل په غفلت وربانــدې نه ځـــي
ځکه وصل د هر ګل په څنګ کې خار شته
نن خوشاله! د زړه داد د عشرت ورکـړه
دا څو ورځې غنيمت دی څو ګلزار شته
Comments
Post a Comment
Thanks for visiting Pashto Times. Hope you visit us again and share our articles on social media with your friends.