Dr. Ashraf Ghani Is Responsible Of Kabul Fall on 15 August 2021

 Dr. Ashraf Ghani Is Responsible Of Kabul Fall on 15 August 2021.

By Daulat Waziri

په رښتیا چې ډاکټر صاحب غني ملامته دی!!!!

ځکه ملامته دی چې په هر ټټو او پنجو باندې به يې باور کاوه

پنځه زرهي او پنځه رنجر موټر به ور پسې روان وو، په اوږه به يې د ستورو ځای نه وه، د فساد او خیانت مانۍ به يې له کشمیر څخه معلومیږي، د سواد کچه به يې منفي صفر وي،  بهرني بانکونه به يې له پیسو ډک وي، پخوانۍ شتمني به يې د یوه خره یو من وربشي وي، تحصیلي اسناد به يې د پیښور د خیبر بازار په ټاپه وي، اوږه به يې له سر څخه پورته وي، اوس وايي چې دوی ملامته نه دي!!!!!

په رښتیا چې ډاکټر صاحب اشرف غني ملامته دی!!!!!!!

ځکه چې مسؤل کسان يې نااهله، موقع شناس، په څوکۍ او مقام ميین، په فساد ککړ، په تعصب کې غرق، د ژبې او قوم ټیکه داران او د نه منم په ناروغي اخته کسان وو. اوس وايي دوی ملامته نه دي!!!!!!!

په رښتیا چې ډاکټر صاحب غني ملامته دی!!!!!!

ځکه چې د وزیرانو، والیانو، او ټولو قوماندانانو پر ځای البته ده کار کاوه، او دوی وايي موږ ملامته نه یو!!!!!!!!

په رښتیا چې ډاکټر صاحب غني ملامته دی!!!!!!! 

ځکه چې له کرزي صاحب، ډاکټر صاحب عبدالله رانیولي بیا د عطامحمد نور، مارشال دوستم، وکیلانو، سناتورانو، جهادي مشرانو او د جهادي مشرانو د زامنو، خپلوانو او ............. نورو نورو باندې خو د سپینو کوترو بنکې را شنې شوي دي، نو وايي چې دوی ملامته نه دي!!!!!!!!

 که ملامته دي خو همدوی دي او ودې وايي چې لومړی دوی او بیا له دوی وروسته ډاکټر صاحب غني ملامته دی!!!!!!!!!!!

کاشکي یوه بې پرې محکمه وای او له هر چا يې یو ځل پوښتلي وای چې له کشمیر څخه ښکاریږي دا مانۍ دې له کومه کړي، او دا میلیارد او میلیون ډالر دې له کومې ونې راټول کړل؟ دا باغونه، ځمکې او زرهي موټر دې پلار ګټلي وه او که تا د ملت په وینو را ونیول؟ 

زما خو کوچني دنده وه، خو بیا هم زه په خپله چمتو یم چې د يوې افغانۍ حساب هم ورکړم!!!!

د خدای لپاره په دفاع وزارت کې یو او بل ته ټول ښکاره دي، نن ډیرې چغې همغه وهي چې تر اوږو پورې په چټلیو کې غرق وو!!!!!!

په دفاع وزارت کې ډیر پاک او په هیواد مئین جنرالان او افسران شته د ډیرو د چټلیو اسناد يې ساتلي دي، که دوی ډیر له خپلو بړستنو پښې اوږدې کړي، نو بیا د دوی زره زره خیانت به د ملت سره شریکه کړي.

یو څوک به ووايي چې تا ولې پر خپل وخت د دوی څیرې ښکاره نه کړي،

ما همغه وخت هره ورځ ویل چې

څوک د سرتیري حق خوري هغه نه مسلمان، نه افغان او نه انسان دی

بله دا چې ټول دفاع وزارت ته پته ده چې په دفاع وزارت کې د غلطو اصلاحاتو پر ضد ما بغاوت وکړ، خپله استعفا مې د وخت وزیر ته وړاندي کړه، د همغې استعفا په بنیاد يې ماته تقاعد راکړ.  

 له دې پورته ما توان نه درلود. مننه