Aqal, Angreez Aw Pukhtun. Pukhto Qessa, Pashto Story. Pashto Story Blog

Aqal, Angreez Aw Pukhtun. Pukhto Qessa, Pashto Story. Pashto Story Blog

#عقل...

وايي چې  عقل يوه ورځ له يو انګرېز سره په لاره ملګری شو ځان یې ور پېژندو او ټولې خپلې ځانګړنې او  ښیګڼې يې ورته بيان کړې انګرېز یې لاس ښکل کړ او ورته ویې ویل ښه 

 ته چې دومره له ستر ګټو او ښېګڼو ډک ملګری یې بیا نو ته باید تر ما وړاندې روان شې ځکه که په لاره کې کوم خطر پېښږي نو وار له مخه به مې خبروې

عقل یې وړاندیز ومانه اوس چې کومه خبره او يا هم خطر پېښېږي انګرېز یې وار له مخه چمتووالی کړی وي

بيا يوه بله ورځ  له يو پنجابي سره ملګری شو هغه ته یې وویل

 جې زه عقل نومېږم او د نړۍ د هرې ستونزې په چل پوهېږم

پنجابي چې دا خبره واورېده ورته يې کړل  ته چېرته وې صاحب  ته بايد له ما سره څنګ په څنګ لاړ شې هيله ده ما يوازې مۀ پرېږدئ زه ډېر زيات ډارېږم ځکه زښت ډېر دوښمنان او ستونزې لرم

د دوی له وژلو او ځورولو مې وساته او له ستونزو نه د خلاصون لارې را وښئ

عقل د ده خبره هم ومنله او اوس چې هر ځل له ستونزو سره مخ شي نو عقل یې له ستونزو خلاص کړي

بله ورځ عقل ځانته  پلی په سفر راون وو ملګری یې نه و

 له لیرې یو شمله ور ور ښکاره شو چې ګردنۍ یې تړلې وه او له ټوپک سره مغرور روان دی عقل منډه ور واخېسته او په وېره یې ورته وویل خان صېب زه هم سفر لرم که دې خوښه وي نو یو ځای به دا لاره رالنډه کړو او یوه خوله ګپه به سره ولګوو

خان وویل زه دوښمنداره یم له ما سره تګ خطر لري بيا نور ستا  خوښه 

څو متره چې لږ لاړل عقل وویل خان صېب زه عقل یم هر څوک راته اړتیا لري زه د هر ډول ستونزو او کړاوونو د خلاصون لاره لرم 

انګرېز د ځان امام کړم  پنجابي  په څنګ کې ونېوم که دې اړتیا وي نو ستا هم مرسته کوم

خان صېب د ټوپک بېلوټ کش کړ په غوښه يې ورته وويل چوپ شه چې عقل یې ځان ته به یې زه تر تا ډېر پوهېږم ما تر اوسه  پلار ته اجازه نه ده ورکړې چې تر ما مخکې لاړ شي  تر اوسه پورې مې ورور او ښځه زما په څنګ کې د تګ جرأت نشي کولای. تاته مې چې وخت درکړ د دې لپاره و چې ګوښی به ډارېږې 

ته نور له ما راسره  يو ځای نشې تللی په ما پسې وروسته وروسته راځه دومره وروسته چې د پښو  کش او کړپ دې هم وا نه ورم. 

عقل غریب له ډاره لکه پاڼه رپېده اول وار یې وو چې دومره بېځایه قهر او ځان ته د ټوپک شپیلۍ مخامخ ولېده محبور شو د غیرتي ... خبره یې ومنله او په هغه پسې ډېر شاته شاته په ماتو ماتو قدمونو روان شو. 

اوس چې خان صېب په هره کنده او ستونزو کې وغورځېږي نو کلونه وروسته عقل ور ورسېږي او خان صېب بیا ورته ووایي کاش پدې لاره نه وای راغلی. دلته خطر و بيا په ټیټو سترګو ووایي 

(کاش وروستیه عقله چې ته ړومبی وای)

موږ په  نویمو کلونو کې کندو ته وغورځېدو عقل ډېر وروسته را ورسېد او راته وایي ويل چې دا لاره چې تاسې پرې تلئ له همدې خطره ډکه وه. تاسې به له ما مشوره اخیستې وه اوس به مو برخلیک بدل و. 

موږ له عقله په تللی لاره په ټیټ سر بخښنه وغواړو او ژاړو خو بيا بېرته په هماغه لاره روان یو چې دېرش او څلوېښت کاله مخکې په غرور او کبر پرې روان وو. 

که لاره بدله نه کړو او له عقله مشوره او کار ونه خلو نو بل ځل به ۲۰۳۵ کال  کې له عقل سره مخ کېږو دا به بيا داسې وخت وي خدای مه کړه چې موږ به په يوې ژورې کندې پراته يو او عقل به له پاسه غږونه راکوي  

چېرته یې؟ 

کوم دوښمن وژلی یې؟

 څنګه يې  غږ دې نشته؟

 او زموږ به د کندې له تله یوازې  زګېروی راخېږي.او له خبرو به وتلي يو ....

په دې هيله چې ټول افغانان د يو پرمختللي او لوي افغانستان لپاره په يو فکر يوه تګلاره او کړنلاره کار وکړي ترڅو په راتلونکي کې د نړۍ د نورو هېوادونو او سيال قامونو سره په هر ډکر کې سيالان شو او تل ؤ اوسو 

مينه او مننه حميدالله قربان

Aqal, Angreez Aw Pukhtun. Pukhto Qessa, Pashto Story. Pashto Story Blog. Pashto Qesa, Pashto Kahani, Pashto Short Story, Aqal Aw Pukhtana. Pashto Pedia Pashto Times. Pashto Info Pashto World.