Khattak Baba Khushal Khan Khattak Best Pashto Ghazal with Explanation
د خوشال بابا مشهور غزل سره د فرهنګ
د جهان په مخ به نه وي، هسې ستا غوندې دلبره
پري رویه، عنبر بویه، سنبل مویه، سمن بره
ګلعذاره، زلفې ماره، شهسواره، خوش رفتاره
باده نوشه، مے فروشه، قصب پوشه، مو کمره
دلنوازه، سرفرازه، عشوه سازه، لعبت بازه
خود پسنده، سربلنده، شکر خنده، لب شکره
طربناکه، ګرېوان چاکه، تل بې باکه، تش تپاکه
خود ارایه، خود نمایه، خود ستایه، خوش هنره
غزل خوانه، خوش الحانه، دُر دندانه، لب خندانه
عنبر خاله، پُر خیاله، تل خوشاله، د زړه غوره
فرهنګ
Explanation And Meanings Of Classic Pashto Difficult Words in Khattak Baba Poem ( Ghazal)
پري رویه : د پري غوندې څهره لرونکي
عنبر بویه : د عنبر غوندې خوشبو لرونکي
سنبل مویه : د سنبل غوندې خوشبوداره زلفو والا
سمن بره : تکه سپينه ( د ياسمين ګل غوندې)
ګلعذاره : د ګل غوندې څهره والا
زلفې ماره : د اوږدو زلفو والا
شهسواره : د اس سواره ( مجازًا د حسن او جمال په اس)
خوش رفتاره : په ناز و انداز تلونکي
باده نوشه : مے خوار ،شراب نوش
مے فروشه : ساقي
قصب پوشه : د قصب اغستونکي ( قصب یوه کپړه ده چې
مصر کښې جوړيږي)
مو کمره : د وېښته په څېر نرۍ مله لرونکي
دلنوازه : زړه خوشالونکي
سرفرازه : ممتازه ،معززه
عشوه سازه : ناز و ادا کونکي
لعبت بازه : لوبې کونکي (مجازًا په عاشقانو)
خود پسنده : مغروره
سربلنده : معززه، د اوچتې مرتبې والا
شکر خنده : د خوږې خنده والا
لب شکره : د شکرې په شان خوږو شونډو والا
طربناکه : فرحت بخشه، زړۀ خوشالونکي
ګرېوان چاکه : ديوانه، سودائي
تل بې باکه : بې خوفه
خود ارايه : د خپل ځان ارایش و زېبايش کونکي
خود نمایه : د خپل حسن و جمال ښکاره کونکي
خود ستایه : د ځان صفت کونکي
خوش هنره : د هنر څښتنه
غزل خوانه : د غزل ويونکي
خوش الحانه : د ښايسته اواز مالکه
دُر دندانه : د ملغلرو په شان سپينو غاښونو والا
لب خندانه : چې په شونډو يې هر وخت خنده وي
عنبر خاله : په مخ خالونه لرونکي
پر خیاله : د لوړ فکر و خیال مالکه
تل خوشاله : هميشه خوشاله
د زړه غوره : د غوره او بهترین زړۀ څښتنه
(احسان صېب څخه)
Pashto Times. Pashto Times Tags.
Khushal Khattak Ghazal. Da Jehan Pa Makh Ba Na We hase Ta Ghondi Dilbara. Pashto Classic Ghazal Explanation of Khushal Khattak.
Khattak Baba Pukhto Ghazal Da Jehan Pa Makh Ba Na We Hasi Ta Gundi Dilbara. Khattak Baba
Comments
Post a Comment
Thanks for visiting Pashto Times. Hope you visit us again and share our articles on social media with your friends.