Pashto Sherona. Shondi Darna Khowri Khamoshi Shoor

شونډي درنه خوري خاموشي، شور پکي پیدا که

مري دي د مخ سره جانانه اُور پکښې پیدا که

زړه مي یو ریدی دی لالا زار یې کړه جانانه

دغسي یو څو داغونه نور پکي پیدا که

زړه ته مي اوس نه رارسي ستا د بڼو غشي

تاؤ یې که راتاؤ یې که لګ زور پکي پیدا که

مه بدوه زړه د یار د کاڼي کاڼی زړه نه

دغلته صنم هم شته خو کور پکي پیدا که

جانه د مودو نه زما زړه سوری سوری دی

ګل دي ستا خبري خو ټکور پکښې پیدا که

څه رشته خو بویه د وطـــن سره "سـائله"

کور دي پکښې نه سهي خو ګور پکي پیدا که

شاعر.: رحمت شاه سائل

سندرغاړی : فاروق استاد

Pashto Times