Daulat Lawanri. Who Was Father Of Daulat Lohani? Roshni Tehrik. Father Name Of Daulat Lohani.
په ۲ جون باندې د کمېشن پښتو ليکچرار ټسټ کښې يو سوال راغلے وۀ چې" د دولت لواڼي د پلار نوم څۀ وۀ؟ اپشن کښې "دادو" ټيک وۀ خو ځينې ملګرو پۀ فېسبوک کښې پوسټونه کړې وو چې "دادو" دوي نه غلطي شوې ده"داؤد" صحيح دے،، د دې سپيناوي کښې مې دا ليکښل مناسب وګڼل،،،،،
=====================================
ليک:- بصير پښتون
بايزيد انصاري چې کومه ډله پېدا کړې وه هغه د روښانيانو په نوم ياديږي، په دغه روښانيانو کښې يو نوم د دولت لواڼي هم دے،،يارمحمد مغموم صاحب ليکي:-
"دولت د پښتو ادب په تاريخ کښې د شېخ دولت په نوم ياد شوے دے- دے د پښتو د لواڼي يا لوهاني قبيلي سره ياد شوے دے "(۱)
د دولت د دې شعر نه دا څرګندېږي چې دے حسن خېل لواڼي دے:-
"اے دولته روښاني
حسن خېله نوحاني"(۲)
يار محمد مغموم دا شعر داسې نقل کوي:-
"اے شېخ دولته روښاني
حسن خېله لوهاني"(۳)
عپدالاکبر خان اکبر ليکي:-
"د دۀ مور د وردګ قبيلې سره تعلق لري"(۴)
د دۀ د پلار نوم دولت په خپل دې شعر کښې"دادو" يا "داداو" ياد کړے دے،،،
د کمکوټي ياري مه کړه
د دادو نوحاني زويه"(۵)
شکور رشاد صېب دا شعر داسې نقل کړے دے:-
د کمکوټي ياري مه کړه
د داداؤ نوحاني زويه"(٦)
يارمحمد مغموم صېب ليکي:-
" د دۀ د پلار نوم داؤد يا دادو وۀ"(۷)
عبدالشکور رشاد صېب د دولت ديوان مقدمه د دۀ د پلار نوم دادالله ياد کړے دے او دليل کښې ليکي:-
"د پښتو په نومونو کښې "دادو" د داد محمد لنډه شوې بڼه ده- مګر د دولت د پلار نوم د دۀ په ديوان کښې "داداو" کښلے دے- که په دغه نامه کښې دوېم الف د ديوان د نقلونکي زياتونه وي، نو کېدے شي د دې دپاره چې د پښتو له رواجه سره سم د پلار او زوي نومونه په يوه سجعه برابروي "دادو" د "دادالله" لنډ شوې شکل وبولو"(۸)
خو مغموم صېب دې سره اختلاف لري او ليکي:-
"د مرحوم رشاد دا رائي صحيح نۀ معلومېږي چې د دۀ د پلار نوم دادالله وۀ"(۹)
بل ځاے مغموم صېب د صديق الله رښتين په حواله ليکي:-
" پنځو تنو ځوانانو چې د احداد په امر د خوست قلعه ونيوله يو پکښې"دادو" نومېدۀ- د دې نه ښکاره معلومېږي چې "دادو" د دولت شاعر پلار د احداد په وخت په تيراه کښې اوسېدۀ"(۱۰)
د دې نه دا جوتېږي چې د دۀ پلار نوم دادو يا داود وۀ،،،
حـــــوالې،،،
(۱) روښانيان او پښتو ادب"مخ،،۴۹۲
(۲) د دولت لواڼي ديوان مقدمه رشاد،،، مخ۱۲
(۳) روښانيان او پښتو ادب،،،مخ،،۴۹۴
(۴) روښانيان د مغلو تاريکيان،،،مخ ۱۳۸
(۵) روښانيان او پښتو ادب،،مخ ۴۹۳
(٦) د دولت ديوان مخ،۱۱
(۷) روښانيان او پښتو ادب،،مخ ۴۹۲
(۸) دولت ديوان،،،مخ ۱۳
(۹) روښانيان او پښتو ادب،،مخ ۴۹۳
(۱۰) هم دغه،، مخ۴۹۹
Comments
Post a Comment
Thanks for visiting Pashto Times. Hope you visit us again and share our articles on social media with your friends.