Antibiotic
What Are Antibiotics?
Pashto Health Article about Antibiotics, Uses, Side effects, benefits.
انټي_بائيوټک
زمونږ پۀ ټولنه کښې د انټي بائيوټک غلط او بې درېغه استعمال ډېر عام دے - خلک ورته عموماً د زخم ګولۍ يا شربت وائي - د انټي معنا ده خلاف او بائيوټک د ژوندي څيزونو يا ژوند له پاره کارولے کيږي - مطلب ئې ژوند ختمول دي - نو دا ګولۍ يا شربتونه د جراثيمو د ژوند سره د انسان ژوند هم ختمولے شي - خو خلک د دې د خطرناکو نتائجو نه بې خبره دي - او عطائيان او ځينې ډاکټران هم د اولس د بې علمۍ نه ناجايزه فائده اخلي - هم ترې پېسې پۀ دواړه لاسو تروړي - او هم ورته مرضونه دننه کوي
پۀ هر مرض کښې انټي بائيوټک نۀ وي پکار - ځينې بيمارۍ د وايرس له وجې وي - هلته انټي وايرل کار کوي - ځينې فنګس وي - هلته انټي فنګل کار کوي - نو پۀ داسې حال کښې بغېر د تشخيص نه يا بې ضرورته د دې استعمال ډېر تاواني دے - ځکه چې دې انټي بائيوټکس ته resistance پېدا شي - او د وجود قوت مدافعت ورسره کم شي - بيا پرې دغه خاص قسم دوايي اثر نۀ کوي - پۀ نتېجه کښې ورته د هغې نه تېز ګروپ وليکلے شي - او هغه هم څۀ موده پس کار پرېږدي - بيا ورته دوه ګروپونه يو ځائے تجويز شي - او ورو ورو انسان تباهۍ طرف ته بوځي - او يو وخت داسې راشي چې هېڅ دوائي پرې اثر نۀ کوي
پۀ دې ملکونو کښې د اپرېشن نه پس هم انټي بائيو ټک نۀ ليکلے کيږي - اوس هم د
amoxil
غوندې د اولني جنرېشن انټي بائيوټک ليکلے کيږي - د صحت پۀ حواله ځان باخبره ساتئ - چې يوه خربوزه اخلئ نو ټوله ګاډۍ بويوئ خو دلته مو هر څۀ پۀ بل پرېښي وي - او هغه مو پۀ لوټ کولو کښې هېڅ کسر نۀ پرېږدي - بې له ټسټونو انټي بائيوټک مۀ استعمالوئ - او د خپل مقدار مطابق ئې خورئ - او کۀ ضرورت وي - نو بلډ کلچر ټسټ کوئ - پۀ هغې کښې پته لګي - چې دې مرض له کوم انټي باييوټک ښۀ دي - ځکه چې د دې غلط استعمال وجود بيخي تباه کولے شي
ډاکټر ديدار يوسفزے
Pashto Times Health Blog.
Pashto Info about use of Antibiotics. What Are Antibiotics In Pashto. Dr. Didar Yousafzai health pashto article on self medication. Health And Fitness. Medicines Uses. Antibiotics explained in Pashto.
Comments
Post a Comment
Thanks for visiting Pashto Times. Hope you visit us again and share our articles on social media with your friends.