Kashghar. Pashto Info Blog about Kashghar.
کاشغر
---------------------
کا شغرچې په تاریخي کتابونو کې یې نوم دکاجغر، کاچغراو کاژغرپه بڼو هم راغلی دی د ختیځ تر کستان یو ښاردي چې دچین په شمال لویدیځ دتیان شان دغره په لمنه کې او دکا شغر دسیند پر غاړه پروت دی ا و یو ډیر لرغونی ښار دی.کا شغر اوس دچین دشین جیان ایالت یوه برخه ده
 |
| Kashghar. Pashto Info Blog about Kashghar. |
په پخوانیو تاریخي کتابونو دکاشغر ذکر او یادونه شوې ده او دوریښمو دمشهورې لارې یوه مهمه برخه ګڼل کیدله.دکاشغرپراخوالی ۲۹۴۲۱ کیلومټره مربع دی اوددري نیم سوه زروپه شاو خواکې وګړي پکې ژوند کوي. دکاشغر دخلکوژبه اویغوري او پامیري دي
کاشغر په ختیځ تر کستان کې داسلامي فر هنګ دسترو مرکزونو شمیرل کیده
کاشغر په ۷۵۱ زیږدیز/ میلادي کال دعربو فاتحینو لاس ته ورغی او په ۱۲۱۹ زیږدیز/ میلادي کال دغه ښار دچنګیز دوحشیانه تاړاکونو په پایله کې ډیرزیانونه ولیدل او ګوډ تیمور هم په ۱۳۸۹ زیږدیز/ میلادي کال پردې ښار بریدونه وکړل. په ۱۷۵۹زیږدیز کال دچین دچنګ دکورنۍ واکمنانو پر کاشغر برید وکړ که څه هم ددغه ځای خلکو دیعقوب بیګ په مشرۍ دختیځ تر کستان کاشغري حکومت بنسټ کیښود او دغه حکومت د۱۸۶۵ نه تر ۱۸۷۷ زیږدیز/ میلادي کاله پورې دوام وموند ، خو وروسته بیا په ۱۸۷۷ زیږدیز کال کې په بشپړه توګه دچین دچنګ دکورنۍ لا س ته ورغی
په پخوانیو وختونو کې به دافغانستان سوداګرو کاروانونه دبلخ او فرغانې له لارې کا شغر ته تلل
دکاشغر په سیمه کې دخټیونو لوښو او کولالۍ صنعت ډیره وده کړې ده . همداراز دکاشي جوړولو ، زرګرۍ ، غالۍ اوبدلو ، مجسمه جوړولو او دزري خولیو لاسي صنعت پکې دپام وړ پر مختګ کړی دی.
په اوسني وخت کې دکا شغر دښار دلیدو وړځایونه دادي : دکاشعر دعیدګاه جومات ، دافاق خواجه مزار ، نګارخانه او دیعقوب بیګ مزار
تاسو په لاندنیوانځورونو کې دکاشغر عیدګاه جومات ، دافاق خواجه مزارچې دکا شغر اوشین جیانګ ټولومسلمانانو ته سپیڅلی د ی او ورته زیات ارادت لري او دکاشغر ځیني نور انځورونه لیدلی شئ
Pashto Blog by Latif Yaad
Comments
Post a Comment
Thanks for visiting Pashto Times. Hope you visit us again and share our articles on social media with your friends.