Zama Qatil By Maulana Khanzeb Bajawar. Justice For Qari Ilyas And Bajaur Khaar Sit In.
Qari Ilyas Of Bajour.
Shaheed Qari Ilyas Of Bajaurقاری الیاس باجوړ
زما قاتل په رڼا ورځ لکه پېرۍ غېب شي
ماته د قام په واکدارانو کښې څه چل ښکاري
بدامني ړندې وژنې چاؤدنې د کم ګوند ستونزه نه ! بلکې د پښتنو د وطن قامي مسئله ده که په ېو شکل کښې ختمېږي نو په بل شکل کښې بېا سر روچتوي ځکه چې دلته ټوله اډانه په امن نه! په جنګي اقتصاد ولاړه ده .
پدې ېو انځور کښې دا دوه رونړه دي دواړه ديني عالمان وو ېو دوه کاله وړاندې او ېو نن د باجوړ په پلازمېنه ،ښار ، کښې په هر لور تاؤ د ساتنې په دنګو قلاګانو او مورچو په وړاندې په ړنده وژنه اووژل شو او وژونکي روغ رموټ لکه د پيريانو په رڼا ورځ ورک شو .
دا بل انځور د هغه بې وسه شډل بډل غیرتي پښتون پلار دې چې د دوه ځامنو په مرګ ئې ملا ماته شوه سوچ کوي خو فکر ئې پې نه رسي چې ځامن می کمی بلا په کمه ګناه مات کړل ؟
بل انځور کښې خلک دلته د هغه ځائې مخې ته په غبرګون کښې ناست دي چې اولس پې ډاډه دې چې دا دنګ دنګ ديوالونه او د دې دننه خلک زمونږ ساتنه کوي خو دا لوېه تېروتنه ده ځکه چې دا جګړه د کم ډي پي او او وړوکي کمانډر په لاس کښې نه ده
دا خلک په جذباتو کښې راغونډ دي څه وخت پورې به احتجاج اوکي او بېا به خواره شي کله چې بل پښتون اووژل شي نو بېا به راغونډ شي او خواره به شي دا ځکه چې تر څو د رنځ بونسټ اونه ووځي هغه جوثه کله هم نه رغېږي تر څو چې ددې وطن هر مولا مفتي تبليغي قاري سوداګر سياستدان دې روان وژنو ته په ېو خوله فساد اونه وائي ځان تې راغونډ نه کړي کمه منظمه قامي تګ لاره د امن راوستو جوړه نشي دا خبرې ختمې نشي چې دا قام پرست دې ځکه اووژل شو دا جاسوس دې ځکه اووژل شو نو دلته کله هم امن نشي راتلې بلکې د څلور لسيزو نه روان فساد په ټولنه کښې دومره دشمنې کينې تربګنې شکونه جوړ کړي چې سل کاله به پښتانه ېو بل د انتقام او بدل اخيستو په نوم هم وژني
#JusticeForQariIlyas
مولانا خانزېب
Pashto Times
What Happened To Qari Ilyass in Bajaur? Pashto Blog about PTM Bajawar Sit In. Maulana Khanzeb Articles and Blogs In Pashto
Comments
Post a Comment
Thanks for visiting Pashto Times. Hope you visit us again and share our articles on social media with your friends.