Prim Nagar Village At Khost Afghanistan. A village Of Hindus And Sikhs

 Prim Nagar Village At Khost Afghanistan. 

دخوست په ولایت کې دپریم نګر کلی

-----------------------------------

پریم نګر دافغانستان دخوست ولایت مرکز ته نږدې زموږ  د دهندوانو او سیکهانوهیوادوالو یوکلی دی . پریم په هندي ژبې مینې او محبت ته وایی او نګرهم ښارته وایی یعنې دمینې او محبت ښار. .ددغو هندوانو او سیکهانو څه دپاسه اویا ( ۷۰) کورنۍ له کلونو کلونو راهیسې په دغه کلي کې اوسیدل او دخوست دخلکو سره یې ډیرې خوږې او دمینې نه ډکې اړیکې درلودلې . دغه هندوا نو او سیکهانوهیوا دوالو پښتو ویله او ټول دودونه او عنعنات یې دخوست دخلکو په شان وو. دوی په خوست کې ځمکې درلو دلې ، خو زیاتره یې دخوست په ښار کې په دوکاندارۍ بوخت ول. کله چې په هیواد کې حالات خراب شول نو دخوست دهندوانو یو شمیر کابل ته لاړل ، خو ځینې یې هم لا په خوست کې پاتې شول 

کله چې په ۱۹۹۲ زیږدیز کال ټو پکمار دخوست پر سیمې مسلط شول دخپلې سیمې دلږه کیو هندوانو او سیکهانو سره یې ناوړه چلند وکړ . دوی یې وځورول او ددوی شتنمۍ ، ځمکې او دوکانونه یې په زور او حبر سره ونیول او ترې غصب یې کړل . تر هغه وروسته دخوست هندوان مجبورشول خوست یې پریښود او ډیر شمیریې هند ته لاړل

زما ښه په یاددي چې دخوست دغه هندوان او سیکهان دهند پلازميینې ( پایتخت ) ډیلي ته څېرمه دهریانا دایالت په فریدآبادنومې سیمه کې اوسیدل او اوس هم زیاتره په فرید آباد کې اوسي ، خو یو شمیر یې دډیلي په ویکاس پوري او تیلک نګرپه سیمو کې هم ژوند کوي 

زه څو کاله دمخه په فرید آباد کې دخوست دهندوانو یوه واده ته لاړم . ډیر پر تمین واده و چې تر دوه زرو تنو پورې خلکو پکې ګډون کړی و.دوی دغه واده ته دخوست مشهور هنرمند او سندرغاړی ارواښاد خیر محمد خندان رابللی و.دخوست هندوانو په دغه واده کې داسې خوندور پښتني اټڼونه وکړل او دومره ښایسته پښتو سندرې یې وویلې چې زه ورته حیران پاتې شوم. دخوست دغه هندوان اوس هم پښتني جامې اغوندي اوټول په پښتو ژبه خبرې کوي 

زموږ دغه هندوان هیوادوال وایی که په خوست کې زموږ مینې او جابدادونه او شتمنۍ بیرته موږ ته راکړل شي نو موږ بیرته خپل خواږه هیواد افغانستان ته ستنیږو، خکه افغانستان مو دپلرونو او نیکونو هیواد دی او هما غلته زیږیدلي او ستر شوي یواو ورسره مینه لرو

دافغانستان دولت او په تیره بیا دخوست لوړپوړي چارواکي بایدخپلو دغو خوستوالو هیوادوالوهندوانو او سیکها نو ته ددې زمینې برابرې کړي چې دوی خپل جایدادونه او شتمنۍبیر ته ترلاسه کړي او بیرته خپل خواږه هیواد افغانستا ن ته راستانه شي 

په لاندینی انځور کې تاسو دخوست دهندو انو دپریم نګر کلی او ددوی دماشومانو پخوانی ښوونځي ( سکول ) لیدلی شئ !

( یاد )

Latif Yaad

Prim Nagar of Khoost Afghanistan. A Town of Love in Khost Afghanistan where once Hindu and Sikh community lived. Prim means love and nagar means city, Town or village. Hence Prim Nagar meaning city of love, Town of Love or Village of Love.