Balai. Balay Pa Pukhto Tapo Ki. Ledge In Pashto Folk Songs And Tappay.
Balai Pa Pukhto Tapa Ki
بلۍ په پښتو ټپو او سندرو کې
بلۍ ته ځینې خلک دبام سر ،دکوټې سر اوبنېره هم وایي او همدارنګه ځینې خلک د کړکیو پر سر چې د باران نه دبچ کېدو لپاره کوم رپک جوړ شوی وي هغې ته هم بلۍ ویله کیږي .په انګریزي کې ور ته
Ledge
او
cornice
وایي
باران وریږي بلۍ څا څي
په ما راڅا څي دجانان خواږه یادونه
دزړه برجونه دې محکم کړه
زه ددېدن بلۍ ته توپې خیژومه
اوس په بلۍ ختلی نشي
دکور دننه ژړا ما پسې کوینه
ستا ددېدن باران دې وشي
که غولی ډنډ شو په بلۍ به ګډه شمه
که چاویل چې جانان راغی
که غولی نه و په بلۍ به ګډه شمه
ستا دراتلو زیری دې وشي
که انګړ ډنډ وي به بلۍ به ګډه شمه
بلۍ ته وخیژه نارې کړه
چې دترلې اوتربور نه کیږي کورونه
آخر به ما په چا حلال کړې
ښکاره کوي چي په بلۍ سپین مړوندونه
چه جمعه شپه شي زړه مي ښه شي
بلۍ ته جګه شمه ستا لارې څارمه
پاس په بلۍ کټونه ډير دي
بنګړو ته شرنګ ورکه چې ودې پېژنمه
په بلۍ کلکه ګټه کېږده
د عاشقانو ناسته تل په بلۍ وينه
پرون دې ویل سبا به درشم
نن تر ماښامه په بلۍ ولاړه ومه
سپوږمۍ په ما دې احسان نشته
د ديدن غل مې د بلۍ په سيوري ځينه
زړه مې اوچت شي هوا وخوري
د يار په دنګه بلۍ کېني وژاړينه
د نيمې شپې راتلو دې ځار شم
لکه ګيدړ په بلۍ چرګې له ورځينه
ته په کوڅه کې سپو چپه کړې
زه د بلۍ په سر خندا نسکوره کړمه
ته په کوڅه کې سپي نسکور کړې
زه د خندا نه په بلۍ نسکوره شومه
په بلۍ راشه تماشې دي
سکروټې سرې دي پکې زه ولاړه يمه
دلته باران دی هلته واورې
که غږ مې اورې په بلۍ ولاړه یمه
پاس په بلۍ کوترې راغلې
زه په پوړو د یار پوښتنه ترې کومه
ته رانه بل وطن ته لاړې
زه ماخوستن په بلۍ کېنم وژاړمه
پاس په بلۍ ناستې بلبلې
نصيب د چا یې اوبه زہ درخېژومه
نن مې د يار د راتلو ورځ ده
په بلۍ ګرځم ناسته خوند نه راکوینه
د ليلا دوه ځايه ديدن دى
يا په بلۍ يا به د سيند په غاړه وينه
پۀ بلۍ ورو حه پښې دې پرېوزه
زما جوړه ورونه ویده دي ویښ به شینه
په بلۍ څوړی څوړی کيږي
خداۍ دې ارتاو که چي پښتۍ دې وشمارمه
د کاسيري په صابون سپينه
په بلۍ ګرځې د څرخې دې ووېستمه
او بلۍ په پښتو سندرو کې
زه پناه ولاړه یمه
هلکه بلۍ مه نړوه
لیدی مې نشې
(یاد)
-------------------
Pashto Times Pashto Folk Songs Lyrics. Halaka Balai Ma Narawa, Leday Me Na She. Aw Za Pana Walara Yama Halaka Balai Ma Narawa.
Pashto Folk Song By Gulnar Begam. Da Gulnar Begam Sandara, Pashto Samdara, Pashto Lyrics.
Balai. Balay Pa Pukhto Tapo Ki. Ledge In Pashto Folk Songs And Tappay.
Comments
Post a Comment
Thanks for visiting Pashto Times. Hope you visit us again and share our articles on social media with your friends.