Russia Ukraine War And American Interests. Pashto Blog

Russia Ukraine War And American Interests. Pashto Blog

By Adv Hamayun Kaasai.

د روس يوکراين جنګ امریکا ته ګټې

د روس او يوکراين د جنګ امریکا ته ډېرې ګټې دي، خو لويه ګټه يې دا ده چې د نېټو ارزښت بيرته زيات شو، اوس د يورپ هغه ملکونه هم د نېټو برخه جوړېدل غواړي، کومو چې د نړيوال جنګ پس پرېکړې کړې وه، چې په ساړه جنګ کې به بې پلوه پاته کېږي. فينلېنډ او سويډن هغه ملکونه دي چې وايي موږ بايد اوس د نېټو برخه جوړ شو، کنې کوم څه چې له يوکراين سره و شو، هغه روس له دوى سره هم کولى شي.

ټول يورپ کوم چې له امریکا څخه بېزاري څرګندوله، او نېټو يې پر ځانونو بار ګڼلى، هغه اوس بيرته نېټو ته محتاجه شول.

څلوېښت ملکونه د روس او يوکراين د جنګ پس سره کشېنلستي او پرېکړه يې کړې، چې نېټو بايد نوره پراخه او پياوړې کړل شي.

دا يوازې د روس پر زيد نه بلکې له دې پس د چين پر زيد به هم مهم کردار ادا کوي.

د روس ګمان وو، چې دوى به په هفته دوو، کشې يوکراين په ګونډو کړي، او خپل قوت به ښکاره کړي، خو دوې مياشتې پس او د يوکراين لويه برخه کنډوالې کولو باوجود نه يوکراين په ګوډو شو او نه روس پر دا و توانېدلى چې خپل شرایط ورباندې و مني.

بلکې روس په دا نتیجه و رسېدى، چې ټول يوکراين نيول امکان نه لري، نو ځکه يې ځان يوازې شرقي يوکراين سيمو ته محدوده کړى.

نېټو اوس وايي چې دا جنګ لس پنځلس کاله ته اوږدېدلى شي، دوى به وسله او مالي مرسته له يوکراين سره کوي او يوکراينيان به جنګېږي.

ګوا روس د اوږدې مودې له پاره شکېل کړل شو، او هغه هم له ګاونډي ورور ملک سره، کوم چې تر دېرش کاله پخوا د روس برخه وو.

ګوا هغه چم ورسره و شو چې لاس مات شي نو خپلې غاړې ته لوېږي.

بله خوا ټول يورپ کشې دا جنګ يره و خوروله ،که دوى سره متحد نه شي او دفاعي او معاشي مرسته يو له بل سره و نه کړي، نو د روس له خوا هر يوه ته خطر کېدلى شي.

دغه يرې بيرته د نېټو اهمیت يعنې ارزښت يو ځل بيرته زيات کړى.

امريکا دا ګټه و کړه، چې د دغه يرې له لارې يې خپل قوت زيات کړى او ملکونه د ده جوړ کړي اتحاد ته لېواله شو.

دغه لېوالتیا او اتحاد به امریکا د چين پر زيد هم کاروي،او چين مخه به نيسي.

د امریکا روس او چين تر منځ بنيادي توپېر هم دغه دى، چې روس او چين يوازې مېدان ګټل غواړي، خو امریکا تل د اتحادونو له لارې د بل پر وږو ټوپک ږدي او خپلې سامراجي موخه ترسره کوي. هغه که بيا له آسترالیا سره د آکس جوړول وي او که له هيند آسترالیا او جاپان سره په شريکه کواډ او لا د تاريخ تر ټولو ستر او کاميابه اتحاد نېټو.

اوس که روس د يوکراين جنګ و ګټي، هم خو چې کمې سياسي او ستراتیژیک ګټې له دغه جنګ څخه امریکا کړي دي، د هغو بله بېلګه نه شته.

هغه ځکه چې روس د يوکراين د تلخې تجربې پس پر نورو ګاونډيانو د بريد تېروتنه نه شي کولى او فينلېنډ او سويډن په ښکاره توګه د نېټو په غېږ کشې په لوېدو دي، او فينلېنډ خو باقاعده اعلان کړى، چې په څو ورځو کشې به د نېټو د ممبرشپ درخواست په باقاعده توګه جمع کوي.

Russia Ukraine War And American Interests. Pashto Blog. Russian War In Ukraine Explained In Pashto. American Interests In Ukraine War Explained In Pashto. Pashto Times.

By Adv Hamayun Kaasai.