Mard Of Khushal Khan Khattak Baba.

خوشال بابا د سړي تشريح داسې کوي دا خوشال خاني ده

مرد هغه چې همتناک، برکتناک

له عالمه سره خوږ په زیست و ژواک

مخ یې مخ، قول یې قول عهد ئی عهد

نه دروغ، نه یې فریب، نه تش تپاک

لږ ګفتار، ‌‌‌‌‌‌ډير یې کردار په خاموشۍ کښې

د غونچې غوندې خوله پورې، سینه چاک

چې خبرې د پستۍ د بلندۍ شي

په لویۍ لکه اسمان، په پستۍ خاک

په تمکین کې لکه سروه، په سخا کې

په هر لور څانګې ژنګورې لکه تاک

لکه ګل شګفته روی تازه په باغ کې

همېشه د ښو بلبلو پرې بلغاک

چې دا هسې شان ویل کا زه حیران یم

چې خوشحال راووړ له کومه دا ادراک؟

Pashto Times