British Sikh Regiment And Orakzai Tribes War In 1855.
By Latif Orakzai
Why British Sikh Soldiers Visited Saragharai Of Orakzai Khyber Pukhtunkhwa?.
د فرینګیانو او د اورکزو ترمنځه ډیر جنګونه او شخړې شوي دي خو د دغه جنګي لړئ پېل د 1855 کال سخه کیږي چې کله د زیمشت قبیلې خلکو جرنیل چمبرلین کیمپ باندې حمله اوکړه
دغه جنګي سلسله بیا تر د فرنګي وتلو پورې روانه وۀ دغه جنګونو کښې یوۀ جنګ د فرنګي او هندوستاني تاریخ په پانړو کښې ډیره په جانبدارۍ سره زمونږ مخې ته وړاندې کیږي دغه جنګ 1897 کښې د سمانې په مقام شوې وو دغه جنګ باندې د هندوستان د فلمي انډسټرۍ
bollywood
دوه فلمونه هم جوړ شوي دي دا ېو فلم نوم kesari دې چې اوس اوس جوړ شوې دې
اوس به راشو چې د دغه جنګ حقیقت څه دې؟
زما خپل ذاتي فکر مطابق هغه وخت کښې د انګریز خلاف د پښتنو جنګي پالیسي داسې وۀ چې دشمن باندې حمله اوکړه قلا، کیمپ، پوسټ ورله ړنګ کړه د دشمن فوځ مړ کړه او ټوپک کارتوس او نور مال په لاس واخله خپل کلي کور او محفوظ ځائ ته واپس ځان رسوۀ
فیرنګې د پښتنو دغه واپسۍ تګ ته د اورکزو شکست نوم ورکوي د سمانې جنګ کښې هم دغه پالیسۍ خپله کړي شوي ده د سمانې (سرۀ ګړهي او ګلستان) قلا باندې د اورکزو او اپریدو د حملې نه پس فرنګې په خپله اقرار هم کوي چې مونږ د دغه جنګ وړالي شوي فوځي ټوپک او نور سامان د ېوې معاهدې لاندې د اورکزو مختلفو قبیلو نه تر لاسه کړو
معاهده څه داسې شوي وۀ
فیرنګي سرکار به د ټوپکو د واپسۍ په بدل کښې د اورکزو مختلفو قبیلو ته هره شپږ 6 میاشتې پس موجب (پیسې) ورکوي
اوس دلته سوال دا پیدا کیږي چې که اورکزو شکست خواړلې وائۍ نو بیا د فیرنګي پوځ ولې معاهده کوي او د پوځ وړالي شوي ټوپکې او نور سامانانو قبیلو ته د موجب ورکولو په بدل کښې د ټوپکو د واپسۍ مطالبه ولې کوي ؟
بله دا هم منی چې دغه سرۀ ګړهئ قلعه باندې د برټش ارمي د سکھ رجمنټ یؤیشت 21 فوځیان تعینات وو او ټول دغه جنګ کښې مړه شوي هم دي حیرانۍ خبره دا ده چې ټول پوځیان ئې هم مړه شوي دي قلا ئې هم تباه شوي ده او ټوپکې هم وړالي شوي دي خو بیا هم د فرنګي تاریخ د اورکزو د شکست تذکرې کوي
ریښتیا وائیلي دي
History is written by the conquerors
د معاهدې نه پس د اورکزو مختلفو قبیلو څه په دې ډول ټوپکې او نور سامان انګریز ته واپس کړل
علي خیلو شپاړس ټوپک واپس کړل
مسوزئ شپږویشت ټوپک واپس کړل
علي شیر زئۍ څوارلس ټوپک واپس کړل
د پتاو علي شیر زئۍ دوۀ دیرش ټوپک واپس کړل
هم داسې نور قبیلو زوئمشت مامو زئۍ هم د معاهدې پاسداري اوکړه او فرنګي پوځ ته ئې ټوپکې او نور سامانونه واپس کړل
پرون د برټش ملټري خصوصي ډيليګیشن د پاکستان په مرسته سرۀ ګړهۍ سمانې ته راغلې وو چې چرته دغه جنګ شوې وو فیرنګي خپل وفادار سکھ پوځیانو ته د عقیدت ګلونه کېښودل بل اړخ ته د خاورې او وطن پالونکي اورکزي پښتانه چا چې په وطن ننګ کړې وو او د فرنګي سامراج نه د ازادۍ اخېستلو د پاره خپل سرونه شیندلي وو هغوۍ د تاریخ په دوړو کښې پټ پراته دي د ریاست پاکستان له خوا د ازادۍ د پاره شهیدان شوي پښتنو هیڅ څه یادګار او ستائنه نیشته
په میــدان مـا جـنګوي مـاله شــابـاسې راکـــوي
خو د میدان په وېش کښې نه مني زما شهیدان
British Sikh Regiment And Orakzai Tribes War In 1855. Pashto Pedia Info Article About Sara Gari Orakzai War In 1855. Pashto History Blog, Pashto Times, Pashtun History
By Latif Orakzai
Comments
Post a Comment
Thanks for visiting Pashto Times. Hope you visit us again and share our articles on social media with your friends.