Facts About Pashto Language. Pashto Language Survival And Future. By Maulana Khanzeb
د پښتو مقدمه.
ژبپوهان وائي چې په اوس وخت کښې هغه ژبه د فنا به بچ به وي پرمختګ ئې ممکن کېدې شي چې درې کاره پدغه ژبه کښې کول شي ړومبې په کور کلي بازار کښې چې وائل شي ، دوېم ليک لوست کتاب پکښې ليکل شي ، درېم په ټولنيزو رسنۍ کښې ليکل وائل شي.
پښتو د فنا د قطار نه بار ده ځکه اوس وخت کښې پښتو د کم رياستي واک پرته د خپل ليکوال او خپل وګړو په برکت پرمخ روانه ده.
پښتو د نړۍ څه په 56 هېوادونو کښې د ريډوانو نه وائل شي څه سلو نه زياتې مياشتنې رسالې پکښې ويستل شي او هر کال په سؤونو کتابونه هم پکښې مخې ته راځي.
پښتو ژبه د خپلو ټکو په اړه هم ډېره غني ده که راکړه ورکړه کوي خو پخپل ځان هم دومره پوره ده چې مجاور احمد زيار په اکسفورډ پوهنتون کښې پښتون استاذ دې ۱۰۹ کتابونه ئې په پښتو کښې ليکلي.دغه کتابونه ټول په ټوله دپښتو په خالص تورو دي د نړۍ د بلې ژبې ېو تورې پکښې نشته.
ژبه ولې ختمېږي ؟ درې لاملونه دې وخت کښې دي ېو د ګلوبلائزشن ېرغل دوېم د رياستونو دننه د ګڼ قامونو ژبې د پام نه غورځول او د دروغو قامي ژبې جوړوول درېم د رياست د قامي ژبو نه خودساخته ېره چې موخه ئې د ، لېنګوېج انجېنئرنګ ، په زور د قامونو محکوم ساتل ټکول او د دوئې وسائل خوړل دي.
ګنړې ژبې د فطرت د جمالياتي تنوع برخه ده د ژبو دغه ګڼ والې د انسان د کائنات سره د تړون او اړيکې ګنړ اړخيزه لارې جوتوي خو د بده مرغه د ، ېو نړۍ وال کلتوري ، ېرغل سره نړۍ ته د ېو ژبې ېرغل هم جوړ دې ځکه ژب پوهان انګريزي ،قاتله ژبه ، ګنړي چې لګيا ده د وخت سره نورې کمزورې خوري دغه راز هره غټه ژبه وړه ژبه لګیا ده خوري.
د ېو ژبې فنا کېدل تش د ېو ژبې فنا نه وي د خدائې ېو اېت ختم شو او د ېو اولس پوره تاريخ کلتور او د کائنات سره اړيکه اوشلېده.
ژب پوهان د پېښ ګلوبلائزشن د حقيقتونو په رڼا کښې وائي ېويشتمه پېړۍ چې ختمېږي نو د نړۍ 96 سلنه برخه ژبې به د مېنځنه تلي وي مونږ نن سبا په کائنات کښې فطري تنوع د مېنځه تلل په دوه څیزونو کښې بيخي په سترګو ليدې شو ېو د غرونو ځنکلو بربادول صنعتي پرمختګ د ، چاپېریال ، په قذرتي بدلون کښې او بل د ژبو په ختمېدو کښې.
د نړۍ نوي سلنه خلک صرف لس ژبې وائي پښتو په اړه بشپړ امکان دادې چې لس شل کاله پس به د خپل اولس په برکت دغه لسو ژبو ته جګه شي.
په تېر دوه لسيزو ېعنې په ېويشتمه پېړۍ کښې د اقوام متحده د ژبو د ژغورنې څانګې ترمخه په امريکا کښې شپاړس ژبې بشپړ فنا شوې په آسټراليا کښې لس په هند کښې شپږ په برازیل کښې دوه او په برطانيه کښې ېوه.
په هند کښې تراوسه 223 ژبې مړې شوي په پاکستان کښې څه شپږ اويا ژبې وائل شي پدې کښې 27 ژبې د ځنکدن په غاړه دي پدې کښې 18 ژبې په پښتونخوا کښې د فنا په مورګه ولاړې دي په سوات مغل مار کښې د بدېشي ژبې صرف درې کسان پاتي دي .
مولانا خانزېب.
Comments
Post a Comment
Thanks for visiting Pashto Times. Hope you visit us again and share our articles on social media with your friends.