Lyrics of Raza che yawa jora ko jongara pa zangal ki

Hamza Baba Kalam. Raza Che Yawa Jora Ko, Jongara Pa Zangal Ki. 1944

Raza Che Yawa Jora Ko Jongara Pa Zangal Ki lyrics

حمزه بابا 

1944

راځه چې يوه جوړه کړو جونګڼه په ځنګل کې

راځه چې د وصال جوړه دنيا کړو په دنيا کې

 د ګل په خاموشئ او د بلبلو په نوا کې

پيدا چه د خندا نورافشانی کړو په ژړا کې

تر هغه ګورو يو بل ته چه ورک شو په يو بل کې

راځه چه يوه جوړه کړو جونګړه په ځنګل کې

ډيوه د مشغولا شي زمونږ بله چه ماښام شی

ماښام د ليلی لاس کې دشفق د ميو جام شی

بد ځان يه شی له پامه چه د ستورو په مونږ پام شی

دمئينو پټ پټاني وي د سترګو په ځنبل کې

راځه چه يوه جوړه کړو جونګړه په ځنګل کې

منت د پاره پيغلې پلوشې که د لمبر راشی

جولئ که غوړولئ راته ګل په بستر راشی

هر څو که پریشاني په لاس نسيم د سحر راشی

ستا سر د وی زما او زما سر ستا په څنګل کې

راځه چه يوه جوړه کړو جونګړه په ځنګل کې

چه جوړ کړو د سپوږمئ دپلوشو ځنې ټالونه

جوټې چه نرمې نرمې راله راکړی نکهتونه

اغوستې مو د ګل د رنګينئ وی څادرونه

.تر هغه وخته زانګو چه وخت ورک شی په ځنګل کې

راځه چه يوه جوړه کړو جونګړه په ځنګل کې

جزبې چه د پريشانه غوندې مينې کړو راجمع

دوه شوی زړونه يو کړو ترې پيدا کړو يوه شمع

ساز واخلی پتنګان چه شی راټول د سوز په طمع

احساس چه فرق او نه کړئ شی په سوال او سوزيدل کې

راځه چه يوه جوړه کړو جونګړه په ځنګل کې

فضا د پسرلی چه ګل ورېنه خندا کاندی

ستا مسکئ مسکئ شونډې چې ورېښمينه  خندا کاندی

زلمئ چه د ارمان سحر جبينه خندا کاندی

پيری درته دشپې ناينړه ستوری په اوربل کې

راځه چه يوه جوړه کړو جونګړه په ځنګل کې

راځه چې شو بهر د دغو شپو ورځو له جاله

پرواز په داسې حال اوکړو چې اووځو له حاله

يو حال داسې پيدا کړو چې مو حال اوځی له خياله.

بيا خيال يوه کړئ کړو د وصال په سلاسل کې

راځه چې يوه جوړه کړو جونګره په ځنګل کې

وتلی اسوېلی مو چه وريځ هلته د نور وی

هجران شړلې اوښکې مو چه څاڅکی د سرور وی

برېښنا مو د ښائست د تبسم زړه په طور وی

احساس چه شی د خود او بې خودئ په جار وتل کې

راځه چه يوه جوړه کړو جونګړه په ځنګل کې

جهان مو يو جهان وی د جهان د حس نه لرې

مکان وی يو مکان د لامکان د حس نه لرې

تل دواړه يو حمزه يو د وجدان د حس نه لرې

ازل ابد چه دواړه شی فنا زمونږ په تل کې

راځه چه يوه جوړه کړو جونګړه په ځنګل کې

Raza che yawa jora ko pashto complete nazam of Hamza Shinwari

Singer. Murad Shinwari. Music Rafiq Shinwari

Pashto Times Pashto Classic Songs Lyrics. Pukhto Folk Songs Lyrics. Pashto Old Song Lyrics. Hamza Baba Pashto Ghazal. Hamza Khan Shinwari Baba. Murad Shinwari Old Ghazal Song Lyrics. Sandara, Pukhto Sandara. PukhtoSong By Hamza Baba. Hamza Baba Nazam Lyrics.

Raza Che Yawaz Jora Ko Jongara pa Zangal Ki composed By Murad Shinwari And Sung By Rafiq Shinwari.

Raza Che Yawa Jora Ko Pashto Song Was First Recorded By Radio Pakistan Peshawar And Pakistan Television Pashto Production Unit At Chak Lala Rawalpindi Islamabad.

Amir Hamza Khan Shinwari Pashto Poem. Raza Che Yawa Jora Ko Jonghara Pa Zangal Ki.

Pashto Times Pashto  lyrics