Betee Dam about Taliban and Mula Umar. Part 2

دوهمه برخه 

د مولا عبیدالله اخوند مرګ دا سوال پورته کوي چې ای ایس ای دغه وخت کې مولا منصور ته ولې ریاستی پروټول ورکوو او هغه یې ولې وژلو ؟

جبار عمری وایې چې د طالبانو د امارت غورځیدلو نه پس خو نه مولا عمر جنګ کړی نه یې بیا بیرته د امارت د جوړولو کوشش کړی نه یې د طالبانو په چارو کې ګوتې وهلي ، او نه په خپل امارت پسې خفه وو .

جبار عمری بیا وایې د حمید الله توخي او د امریکې د ویرې مونږ قلات پریښود او د قلات نه څه کلومیتره لری د زابل سېوری نومی کلي کې میشته شو ، نو څه وخت پس دغه علاقه کې طالبانو د افغانستان او امریکې په فوځ حملې پیل کړی نو ماته مولا صیب وویل چې دوي ته ووایې دلته جنګ مه کوئ هسې نه چې ستاسو له وجې زمونږ په کور چاپه وغورځیږي او ونیولی شو.

اوس سوال دا پیدا کیږي چې مولا عمر څومره کمزوری وو ؟چې کوم ځای هغه میشت وو نو نه خو په هغه علاقه کې طالب جنګیالو ته مالومه وه چې دلته امیر المومنین دی او نه مولا عمر غوښتل چې د دوي سره مخامخ لیدل کتل وکړي .

د جبار عمری لخوا په دې کتاب کې مهم انکشافات دا دي چې د کال ۲۰۰۱ نه واخله د ۲۰۰۴ پورې د مولا عبد الصمد د کوره نه دی وتلې ، او نه یې چرته کاغذی ، یا ویډیو ، اډیو پیغام لیږلی او نه یې د کویټې د طالبانو مشرانو سره ربط جوړ کړی ، 

په سېوری کلی کې هم د هغه دغه حال وو ، او د کال ۲۰۱۳ پورې یې صرف بی بی سی پښتو اوریدله د قران تلاوت به یې کوو او هغه به یې په خپل زوړ نوکیا موبایل کې ریکارډ کوو او بیا به یې اوریدلو ، ګیره به یې په نکریزه سره کوله او مدام به یې نسوار کول .

د جبار عمری مطابق مولا عمر صرف د قران ترجمه په زابل کې د یو صوفی مولا نه کړی وه او هیڅکله اکوړې ته د سمیع الحق مندرسې ته نه دی تلی . 

اوس سوال دا دې چې یا خو سمیع الحق د بین الاقوامی اسټبلشمنټ په وینا د مولا عمر نه فیل جوړوو او یا مولا عمر هسې په یو سازش دافغانستان د امارت ۶ کاله امیر وو او د هغه حکومت بل چا چلوو .

جبار عمری وایې کله چې اسامه په ایبټ اباد کې ووژلی شو نو ما هغه شپه Voice of America دری اوریدله او مولا عمر په درۍ ژبه نه پوهیدله زما نه یې پوښتنه وکړه چې دوي د اسامه نوم ولې پرله پسې اخلي ، نو ما ورته د هغه د مرګ قیصه تیره کړله خو نه یې د هغه په حق کې دعا کړی او نه یې افسوس ښکاره کړی .

د مولا جبار عمری له خلې مولا عمر د کال ۲۰۱۳ په لومړۍ میاشت کې د په الټو او تبه پریوتلو ، او د اپریل په میاشت کې مړ شو ، په دغه درې میاشتو کې د هغه هیڅ علاج نه دی شوی.

سوال دا پیدا کیږي چې د کویټې شوره ته په دغه وخت کې د افغانستان  د کوکنارو د کاروبار نه په ملینو ډالره د کال تلل خو د مولا عمر علاج پرې نه کیدلو چې ولې ؟؟

مولا جبار عمری مولا عمر د کور خوا ته د شپې په معمولی رڼا خخ کړو خاورې یې پرې انبار کړی او ویډیو یې ترې وکړه چې دغه د ثبوت په توګه د هغه زوی یعقوب ته کویټې ښار ته ورسوي چې د هغوي د پلار د مرګ په اړه تسلیت وشي ، کله چې یعقوب ته دغه ویډیو په لاس ورغله نو زابل ته لاړو او اولس ورځې پس یې د پلار قبر وڅپړدو او بیرته یې دفن کړو ، په زابل سېوری کلی کې مولا جبارعمری یعقوب ته د مولا عمر د لاس دوه لیکلی شوې ډایرۍ وسپارلې چې نه خو په دغه کې د طالبانو د مستقبل په اړه څه لیک وو او نه د نوی امیر د ټاکلو حکم او نه د طالبانو د منظم کیدلو څه پیغام وو .

د مولا عمر زوی یعقوب چې کله بیرته کویټې ته لاړو نو د کویټې شوره ته یې د پلار د مرګ حال بیان کړو او طالبانو خپل نوی امیر ملا منصور وټاکلو ، Bette Dam د هغه په اړه وایې چې د هغه په مرګ کې قوی امکان دی طالبان مشران ککړ وو ، ځکه بعضې مشرانو د هغه په لاس د بیعت  کولو نه انکار کړی وو .

بیټ ډیم په افغانستان کې د خپل ۵ کاله ریسرچ او د طالبانو د انټرویانو نه دا ثابتوي ، چې د کال ۲۰۰۱ نه واخله ۲۰۱۳ پورې د مولا عمر څومره هم پیغامونه طالبانو نشر کړي دا ټول Fake یعنی جعلی دي .او طالبانو د هغې نه ګټې پورته کړي .

مولا جبار عمری وایې کله چې مولا منصور داد الله هغه دوه طالبان ونیول کوم چې د هغه د میرنی ورور قتل کې ککړ وو نو ملا عمر پیغام دا دالله ته ولیږلو او د هغوي د قتلو نه د منع کولو کوشش یې وکړو خو دغه پیغام داد الله ته ونه رسیدو او یا یې رد کړو او څه ورځې پس داد الله هغه دوه نفره طالبان حلال کړل .

د دې کتاب لوستل انسان په فکر کولو مجبوره کوي ، چې څومره د یو بې اثره  انسان نه لوی فیل جوړ شوی ؟

او د هغه د نامې نه څومره طالبانو ، مجاهد جنګسالارانو او امریکې استفاده کړې؟

ځکه خو مونږ مدام وایو چې د اولس په مینځ کې غل سیاستمدار د یو نالیدلي غیر اولسي شخص نه سل وارې بهتر دی