Who Are Wardak Pashtuns? Who Are Wardag? Wardag, Wardak Or Mayar. Wardag Sook De? Pashto
کرلاڼ د غوري شهزاده زوے او ځوځات دی
اتمانزي او احمد زي( وزیر) د موسا دروېش بن خدري بن وزیر بن سلیمان بن کرلاڼ بن شاهزاده غوري څخه دي:۲
وردګ د کرلاڼ نیکۀ لۀ ځوځات څخه دے او نوموړے نیکۀ د غوري شاهزاده ځوځات دے نو پۀ دې حساب د وردګو د نسبت سلسله د پښتنو غوریانو پۀ سلسله ګډیږي او د یوې ممتازې یعنې غوري کورنۍ لۀ ډلې څخه دي او پۀ پائې کښې لوے سهاک باچا ته د دوي د نسب سلسله رسیږي: ۳
نوموړے مورخ صدیق الله ریښتین صېب د وردګو پۀ قدامت داسې رڼا اچوي
“ وشتاسپ باچا لۀ قربانیو وروستو لۀ خداے څخه وغوښتل چې ماته دومره قوت راکړه چې د شیطانانو عبادت کوونکي ووژنم او د وردهکا قومونه د حیواناتو له اطاعت څخه خلاص کړم “ د دې فقرې څخه دا معلومیږي وردهکا د د یو څو پخوانيو قوم نوم دے او غالبه ده چې دا قومونه له اریائي قومونو څخه وو ځکه ویشتاسپ باچا د دوي ازادۍ د پاره د خداے څخهقوت غوښتے دے. وردهکا او وردک کټ مټ یو شے دے. موجوده وردک هم هغه قدیمي وردهکا دے چې ذکر یې پۀ اوستا کښې راغلے دے: ۴
وردګ توخي اندړ ترکۍ ځدراڼ خټک ځاځي خروټي کاکړ او داسې نورو پښتنو نومونه ټول ډېر پخواني او اریائي نومونه دي او له اسلامي دورې څخه پخواني معلومیږي: ۵
بل اړخ ته کۀ د وردک نیکۀ ځوځات چې مایار نوري میر لړم ګدائي ملکیار مسري ادین لړم کوډا صامدین رامدین لودین کېمل ایمل او نور نومونه دا هم پخواني لرغوني نومونه دي چې ریښې یې اریائي دي چې د وردګو پۀ لرغونتوب دلالت کوي :۶
ماخذات:
۱: حیات افغاني مخ ۳-۴
خورشید جهان مخ ۲۳۶
آئینه مخ ۷۰
۲: اریانا دائرةالمعارف ۲ جلد مخ ۳۹۸
۳: وردګ ویهارادک ویاردک مخ ۱۱۲
۴: کابل مجله کال ۱۳۳۸
³ شماره محمد ابراهیم ثابت
۵: وردک ویهارادک ویاردک مخ ۱۱۶
۶: ګل احمد وردک ناچاپه اثر
وردک د تاریخ پۀ بهیر کښې
تحیقیق:
ګل احمد وردک
Comments
Post a Comment
Thanks for visiting Pashto Times. Hope you visit us again and share our articles on social media with your friends.