Naswar, History, User of Naswar and Pashto Tappay.

 Naswar, History, User of Naswar and Pashto Tappay.

جانانه غم دې نسواري کړم

ترخي ترخي اوبه يي زړه ته تېرومه

--------------------------------------

په مخدره توکو کې چې نن ورځ په افغانستان ،پښتونخوا ، جنوبي پښتونخوا ، ایران. دمنځني ایشیا په هیوادونو( اوزبیکستان ، تا جیکستان ، فرغیزستان ، قزاقستان ، ترکمنستان ) او ان په هند ، چین ، برما، نیپال ، بوټان ، بنګله دیش ، تبت او ټایلنډ کې رواج لري یو هم دخولې نسوار دي . ایرانیان یې په فارسی ژبه ناس بولي 

په افغانستان کې دپلخمري او پل مټک نسوار ډیر مشهور دي ، خو په پښتونخوا او جنوبي پښتونخوا کې بیا د مردان ، بنو او کوټې نسوار ډیر مشهور دي

 نسواریان په عمومي ډول دنسوارو ډبلي او قوطۍ لري چې دډبلیو پر مخکینۍ برخه کې یې آئینې هم لګیدلي وي چې کله ناکله خپل مخونه هم پکې ګوري او کله کله یې دنسوارو پر دغو ډبلیوشنه او سره غمي هم لګولي وي . دوي به کورونو کې تفدانۍ یا دنسوارو دتوکولو آله هم ساتي چې بدبویونه ترې خیږي او په لیدلو یې دانسان زړه بدشي

نسوار دمخدره بوټي تنباکو یا تماکو نه ترلاسه کیږي یعنې دتنباکو شنې پا ڼې وچوي بیا هغه میده کوي اوټکوي یې او چونه ورسره ګډوي . څینې خلک نسوار په خوله کې تر خپلې ژبې لاندې ږدي اوځیني نوریې په کاغذي دسمالونو یا دتشناب دکاغذ په یوه برخه کې په خوله کې ږدي ا وددوی په اصطلاح دیوې لنډې مودې لپاره ځانونه دغم او اندیښنو دنړي نه لیرې ساتي 

په افغانستان کې پخوا نسوار په کورونو او یا د نسوارو جوړولو په دوکانونو کې جوړیدل ، خو نن ورځ دافغانستان په ډیرو ښارونو کې دنسوارو دجوړولوکارخانې شته او دافغانستان حکومت هرکال دنسوارو دټیکس او مالیاتو نه نهه ملیونه ډالره تر لاسه کوي . دیوې سروې له مخې چې تیرکال په پښتونخوا کې شوې وه دورخې ددوه کروړه پاکستاني روپیو ( کلدارو ) په بیه نسوارخر څیږي 

دروغتیا له پلوه نسوار خولې ، وریو او غاښونو ته ډیر زیانونه رسوي . داسې دیر کیسونه لیدل شوی دي چې دنسوارو داستعمال له وجې دخولې سرطانونه هم پیداکیږي اود نسواریانو له خولونه ناولی او متعفن بوی راوځي چې دخلکو دکرکې سبب کیدلی شي 

موږ په پښتو کې دنسوارو په اړه ټپې هم لرو چې یودوه پکې دا دي 

جانانه غم دي نسواري کړم

ترخي ترخي اوبه يي زړه ته تيرومه

آذان په ځنډ کوه طالبه

یار مې نسوار خولګۍ ته اوس ور اچوینه

(یاد)

By Latif Yaad. Pashto Blog about Naswar.

Topics Covered: What Is Naswar? History and making of Naswar. Pashto Tapa about Naswar.