Paan. History and Uses Of Paan by Latif Yaad. Pashto Blog

 Paan. History and Uses Of Paan by Latif Yaad.

---------------

یادې له ځایه شونډې سرې دي

یا خودې پان دهندوستان خوړلي دینه

لا دنهم ټولګي زده کوونکي وم چې دهند په تاریخي کتابونو په تیره بیا دهند دپښتنو لودي او سوري پاچاهانو او مغولو په تاریخونو کې مې دپان دکلمې سره آشنایي پیداکړه چې پاچا هانو او وزیرانو به ترډوډۍ خوړلو وروسته خپلې خولې پرې خو شبویولې ، خو لیدلي مې نه و .دپان په اړوند معلومات په سمه توګه هغه وخت راته څرګند شو ل کله چې هند ته لاړم اوپان اودپانو دوکانونه مې له نږدې  ولیدل

پان چې دسنسکریت کلمې پانړه نه اخیستل شوی دی او موږ یې په خپل پښتو لیکدود کې پا ڼه لیکو په فارسي او عربي کې ورته تنبول ، تانبول ، تبول ، تامول او تمبول هم وایي په نني هندوستان ، پاکستان ، بنګله دیش او ان په میانمار ،اندونیشیا ، ملیشیا ، فلیپین ، ویتنام او تایوان کې هم کارول کیږي 

دپان په شنه پاڼه کې چونه ،تنباکو، بادیان ، ګل قند او یو ډول کلکه ماده چې سوپاري یې بولي اچول کیږي اوبیا په پاڼه کې تاویږي او خلک یې ژووي 

په هندوستان کې دلویدیز بنګال ، اندهراپردیش ، بیهار ، اسام او دبنارس دسیمو پانونه مشهور دي . کله چې پان په خوله کې واچول شي او وژوول شي نو خوله سره کوي او خوشبویه یې ساتي .

دپان ډیر استعمال غاښونه خرابوي ، خو ویل کیږي چې دهاضمې او همداراز دځینو ناروغیو لپاره ګټوردی .

زه به چې په هند کې میلمستیاوو او ودونو ته تلم نو پان به په لو یو پلیټونو او غوریو کې ایښودل شوي وو او تر ډودۍ وروسته به خلکوته ورکول کیدل

په هندوستان، پاکستان اوبنګله دیش کې په هره کوڅه کې دپانو دوکانونه شته او خرڅیږي او همدارازځیني پانونه په وړو زر ورقي کڅوړو کې هم خر څیږي . باید وویل شي چې په هندوستان کې دمسلمانانو اوهندوانو نارینه او ښځینه په عام ډول پان استعمالوي 

تاسو په لاندیني انځور کې دپانو پاڼې لیدلی شئ

Paan. History and Uses Of Paan by Latif Yaad. Pashto Blog about History of Paan and Its Uses by Latif Yaad.