Saud Bangash Ghazal. Pashto Poetry Lyrics

 Saud Bangash Ghazal. 

چې  تېر  شـوی  پــر ځیګر  د  پښتنو  دی

خـوښ  همـدا،  نفاق  خنجر  د  پښتنو دی

خوشال خان غريب به خاورې بریالی شي

چې  مـغلو  درست  لښکر  د   پښتنو   دی

تش  پـه  خوله  تر  مارګلې  د  پښتنو  ده

تش  په  خوله  باندې  خیبر  د  پښتنو دی

زه  هم  وایم،  تـه  هم  وايې،  پر  درواغو

چې  دا  کـوېـټـه،  پـېـښـور  د  پښتنو  دی

نــړیــوالــو  شـیـطانــانــو  پـــه  ولکه  کې

د  بــابــا  د  غــرو،  هر  سر  د  پښتنو  دی

خـامخـا  بــه  بیا  راخېژي ، دا  قانون  دی

غروب  شوی  که  سپين  لمر د  پښتنو دی

ګاونډیان يې ټول د امن پر ساز رقص کړي

تش  پــر  خــونـه  شوروشر  د  پښتنو  دی

اې  سـعـوده! که  هـر  څـومـره  فولادي  و

سـوری  شــوی  اوس  ټـټـر  د  پښتنو  دی

سعود بنګښ 

۲۷/۱۱/۲۰۱۶

Pashto Times. This Pashto  Poem Includes Margala, Pekhawar, Khyber, Pukhtana

, Quetta, Mughals and Khushal Khan Khattak