Ashraf Ghani Corruption, USA And Taliban. Pashto Analysis

 Ashraf Ghani Corruption, USA And Taliban. Pashto Blog

by Adv Hamayun Kaasi.

د امریکا يوې ادارې غني په فساد تورن بللى دى

دا د بلا زامن کمال کوي. کله چې د اشرف د راوستلو له پاره لاره جوړوله، نو د نړۍ ستر مفکر يې کړى

اوس چې ټاليبان 2.0 پروژه پېل کړه، او هغو ته مشروعیت او د جواز لاره هواروي، نو وايي غني فسادګر وو

کم وخت چې افغانانو په بون کشې ظاهر شاه بيرته د پاچا په توګه و ټاکلى هم دغه امريکا يې مخالفت و کړى او په وچ زور يې کرزى راوستلى او هائيبريډ امريکايي صدارتي نظام يې پر افغانستان مسلط کړى

بيا چې کرزي سره يې اړيکې خرابې شوې، او پر ځينې خبرو کرزي لاره نه ورسره وړله، نو کرزى د افغانستان تر ټولو فسادګر کس شو د دوى په نظر کشې.

په درځنونو کتابونو امريکايانو ليکلي او د هر کتاب ويلن کرزى دى

کم وخت چې کرزي ورته ويل چې ټاليبان تسلیم شوي دي او هغه عمومي عپه غواړي. تاسو خو د القاعدې پر زيد راغلي ياست، نو ټاليبانو ته به عپه اعلان کړو او دا جنګ ته به د پايى ټکى کشېږدو

امريکا ورته ويل ټاليبان ترهګر دي، جنګ به د دوى پر زيد هغسې دوام لري لکه د القاعدې پر زيد.

شل کاله پس اوس وايي ټاليبان خو پښتانه ملتپاله او خورا سپېڅلي پښتانه دي. دا خو تېر نظاميان ټول فساد ګر وو.

اوس داسې څوک نه شته، چې دا ورته وو وايي چې تېر نظام او د نظام يو يو وګړى خو تاسو پر افغانستان تپلى وو، نو اصل فسادګر خو تاسو واست.

داسې فلمي ډرامې کوي، چې عامي کس خو پرېږده سياست پوهان ټول و غولوي.

حمدالله محيب چې په امریکا کشې د امریکا پر زيد غږېدلى وو، او بيا دوى امريکا ته په تللو باندې بنديز پر لګولى وو.

نو يوه په سياست د ژور نظر خاوند ملګري راته ويل چې همايون خانه دا د امریکا او اشرف غني حکومت تر منځ اختلافات فکس مېچ دى

ما ويل هغه څه رنګه?

هغه راته ويل چې دا حمدالله محيب د امریکا خاص کس دى، او د ده شځه د امریکا په ډېرې مهمې ادارې کشې پر خورا لويه چوکۍ ناسته ده. او دا محيب له اشرف غني سره ځاى کړى، دوى امريکايانو دى

ما فکر کولو چې ملګرى به ګپه کوي. خو نن چې نظام سکوت و کړى، ګورم حمدالله په هغه امریکا کشې ژوند کوي، کمې امریکا چې بنديز پر لګولى وو.

امريکا پروند يې دا هم راباندې و منل چې کرزى ستر ملتپاله دى، او بيا يې دا هم راباندې و منل چې کرزى فسادګر ټاليب دى.

بيا يې دا هم راباندې و منل چې اشرف غني د نړۍ ستر مفکر دى، او نن دا هم راباندې مني چې هغه په فساد لړلى فسادګر دى

پروند يې دا هم راباندې و منل چې ټاليبان ترهګر دي او نن دا هم راباندې مني چې ټاليبان سپېڅلي پښتانه ملتپاله دي.

هسې دا د ډيورنډ پر کرښه روانه ډرامه هم د دې پروپېګنډې د ثابتولو هڅه ده.

په تېر شل کاله کشې پر کرښه کراره کراري وه، خو نن هغه ټاليبان چې د نيوي سلنو کورونه او بچي په پاکستان کشې ژوند کوي، هغه به خپل له بادار سره ښکر جنګوي.

موږ افغانان جزباتي خلق يو، چې له هرې خوا هوا راځي موږ له ځان سره وړي.

موږ په هر کس او هر اما شما کشې مسيحا لټوو.

کرزى چې له امریکا سره جوړ وو، نو ملتپاله وو. چې ورسره وران شو، نو فسادګر.

اشرف غني چې دوى افغانستان ته را امپورټ کړى، نو مفکر وو، چې د دوى په پلان ورسره تللو کشې انکاري شو، نو فسادګر شو.

ټاليبان نن د امریکا اتلان دي، سبا به بيرته فسادګر وي لکه پروند

How US Is Doing Propaganda Agains Ashraf Ghani? How US supporting Taliban Govt In Afghanistan. Survey, Fake Survey to Pro Ashraf Ghani as a corrupt leader of The year.