Da Pekhawar Rangoona. Colors Of Peshawar by Saud Bangash

 Da Pekhawar Ranguna Tool Savi di by Saud Bangash

د  پېښور  رنګونـه  ټول  سوي دي

د  بـاجـوړ ګلونـه   ټول  سوي   دي

د  سخا بارودو  په  لمبو کې خدایه!

د سپېلنو  دښتونه  ټول  سوي  دي

ګوتې  مې  پرې  دي  په  ژړا ولاړ یم

زمـا  د  رباب  تـارونه  ټول سوي دي

زه  ورتـه  ګورمه  پـه  ډکـو سترګو

ستا  د  تندي  خالونه  ټول  سوي دي

زمـا  د   ښکلې  پښتونخوا   د  جونو

په  سر پـراته  شالونه ټول سوي دي

کلي  کوڅو  کې د  ټانکونو  شور  دی

خوږه خوږه  خوبونه  ټول سوي  دي

خدایه! د  ستا  سپېڅلی کور  سوی دی

ستا  د  کتاب  مخونه  ټول  سوي  دي

سولې  مارغان سعوده!  مړه پراته دي

د شنو ښاونو ښاخونه ټول  سوي دي

سعود بنګښ 

۱۶/۱۲/۲۰۱۴