Skip to main content

Gulzar Alam Pashto Ghazal Song Lyrics

 Pashto Song. Khuday Zda

Lyrics. Shams Ul Qamar Andesh

Singer. Gulzar Alam

پښتو غزل

خدایزده کوم پړاو کې د ارمان یمه 

ستا د یاد په دوړو کې روان یمه 


ستا د محبت د جنون دشته کې 

ګله نه د ځان او نه په ځان یمه 


ښار دی لکه کنګل سمندر ویده 

دې د خاموشۍ شور ته حیران یمه


مینه هسې هم د ګټې کور نه و 

زه د خپل احساس په سر تاوان یمه 


هلته به جوټې د ناز په ټال خورمه 

دلته زه د ژبې اوېزان یمه 


دومره که مې وپېژنې ښه به وي 

زه د برګ د څانګې ثناخوان یمه 


اې د امیدونو د سپرلو راڼۍ 

ستا د تصور په ځمکه خان یمه 



شاعر : اندېش شمس القمر

سندرغاړی : ګلزار عالم صیب

Comments