Poem For Pashto Poet Sadiq Jarrak by Aleem Gul Sahar

 Poem For Pashto Poet Sadiq Jarrak by Aleem Gul Sahar. Pashto Poetry

صادق انسان ژړک صاحب ته

مه ځه مه ځه زما زړه درسره ځي

ژوند کې پاتې لږ خواږه درسره ځي

دا کرکجن زړونه به مینځو بیا په څه شي

په اخلاص وللې اوبه درسره ځي

ګوره پاتې شه لا ډیر کارونه پاتې

لا ویښ  نه دي، دا ویده درسره ځي

د څیرو او د جرګو وریغ یې الوتی

رنګ او خوند د پښتانه در سره ځي

تروږمۍ ده له موږ لار د وتو ورکه

شول بی رنګ ستوري رڼه درسره ځي

١/ ١٠/ ١٤٠٠

انځور د استاد صادق ژړک د ناروغي د وخت دی چې زموږ ښه انځورګر رفیع الله رسولي کښلی۔