A Shaheeda, A Ashiqa, A Bacheya Da Mansoor

 A Shaheeda, A Ashiqa, A Bacheya Da Mansoor.

Poet. Ghani Khan Baba

Poem Nazam. Shaheed

نظم: شهید

اواز: معیز مهمند

Moez Mohmand 

انځورګری: تراب مهمند

Imam Hussain Turab 

اے شهیده ! اے عاشقه ! اے بچیه د منصور

په خندا جانان له لاړی ،ډوب دریاب کښ شوی د نور

نادانان درپسی ژاړی، ماشومان درته مجنون وایی

لیونی درته پسخیږی اے ایری د کوه طور

ننګیاله سر دی ورکړو د یار ښپو کښ دی لوګے کۀ

اوس یی ګوره مسکۍ سترګی، ښکلی ډکی د غرور

ما راوړی تاله نه دی د سرو ګلو امیلونه

د جنت بلبلان څه کړی د دنیا د باغ ګلونه 

تا کړی خپلی سترګی خاوری چی زما پری شی روښانه

تا قیصه زما د درد، بره یوړه تر اسمانه

ستا د وینی څاڅکے څاڅکے چی تا تویی کړه د ارمانه

ماته سری ډیوی بلیږی په کوڅه کښ د جانان

د دنیا تاجونه ځار شه ستا د بخته ستا د شانه

د لیلی په زنګون پروت یی د مجنون څیری ګریوانه

ما راوړی تاله ندی د رامبیلو امیلونه

د جنت بلبلان څه کړی د دنیا د باغ ګلونه

غنی خان بابا

Poet. Ghani Khan Baba

Poem Nazam. Shaheed

Awaz, Vocalist, Singer. Moeez Momand.

Painting By Imam Hussain Turab