Malak Ahmad Khan Yousafzai Chawak Thana Batkhela MKD
#_اس_چوک
Aas Chawak, Thana Malakand.
د سوات نۀ پېښور ته را روان ووم - چې د تاڼې چوک ته راورسېدم - نو ټېکسي واله ته مې وې " ګاډے لږ ودروه تصوير اخلم " - هغه ودرېدۀ - خو شاته د ګاډو نۀ ختمېدونکې هارنې شورو شوې - ما ئې لاندې تخته ونۀ کتے شوه - خو پۀ تادۍ کښې مې دا يو تصويړ واخست - بيا مې ټېکسي واله ته وې - " دا د چا مجسمه ده ؟ " هغه وې " د سړي راته پته پته نشته خو خلک دې چوک ته خلک اس چوک وائي" - ما وې " پۀ دې اس چې څوک ناست دے - د هغه به څۀ نوم وي ؟ د پښتنو اتل به وي - ځکه ئې دلته مجسمه نصب ده " - هغه خبره بدله کړه او پۀ اېکسيلېټر ئې پښه نوره کلکه کړه -
زما پرې شک وۀ چې دا به د يوسفزو د باچا ملک احمد خان مجسمه وي - خو لاندې تفصيل مې نۀ وۀ کتلے نو کلک پرې نۀ شوم - بيا مې ډرائيور ته وې - " د اس دا دواړه پښې ولې اوچتې دي ؟ " - هغه وخاندل - وې ئې " اسونه دي نو ..... پۀ منډه کښې يوه پښه اوچتوي - او چې کله ئې ناڅاپي جلب راکاږې نو دواړه اوچتې کړي " - زۀ ئې هم پۀ جواب مسکے شوم - او ورته مې وې " چې کله پۀ مجسمه کښې د اس دواړه پښې اوچتې وي - نو دغه باچا يا جرنېل پۀ جنګ کښې مړ وي - او کله چې د اس يوه پښه اوچته وي - نو مطلب ئې وي - چې دغه باچا يا جرنېل پۀ جنګ کښې زخمي شوے وۀ " - خو ډرائيور پکښې څۀ دلچسپي ونۀ لرله -
پۀ پېښور کښې چې کله د ډاکټر شېرزمان سيماب سره ناست ووم - نو هغه راته د دې خبرې پخلے اوکړۀ - او پۀ ډېره دردمنده لهجه کښې ئې دا خبره اوکړه - چې " ګوره يار څوک ورته اس چوک او څوک ورته ټټو چوک وائي" - ما وې " دا زمونږ څومره بدنصيبي ده - چې پښتانۀ هر څوک پېژني خو خپل مشران او اتلان نۀ پېژني - او بيا ملک احمد خان بابا چوک ته ټټو چوک وئيل د يوسفزو د لوئے باچا توهين دے - خو څوک به پرې غوږ وګروي"
ډاکټر ديدار يوسفزے
Pashto Times. Malak Ahmad Baba Statue In Thana Batkhela Malakand. The Yousafzai Leader and hero Malak Ahmad Baba.
Malak Ahmad Khan Yousafzai Chawak Thana Batkhela MKD.
King Of Yousafzai Pashtun Tribes, Malak Ahmad Baba.
Comments
Post a Comment
Thanks for visiting Pashto Times. Hope you visit us again and share our articles on social media with your friends.