Ogora Dab Dab Zama. Pashto Folk Song Complete Lyrics. Charbeta
دا واخلئ د عبدالواحد ټېکېدار چاربیته
وګوره دبدب زما
سل مې په اردل کښې ځي
سل مې غلامان دي، سل اسونه په سل لارې ځي
سل په کښې ریبارې ځي
سل مې محلونه دي
سل مې برجلونه دي
سل په کښې ډالونه دي
سل په اویزاندې کټارۍ دې د غضب زما
وګوره دبدب زما
سل دي جلادیان په کښې
سل دي دورانچیان په کښې
سل دي نوکران په کښې
سل می لګیدلي خنجرونه په اوربل کښې ځي
سل مې په اردل کښې ځي
سل دې سهیلۍ زما
سل ګډې، چیلۍ زما
سل پړي، سیلۍ زما
سل مې کجاوې د سلو سترګو راته دارې ځي
سل په کښې ریبارې ځي
سل مې صفتونه دي
سل مې نوبتونه دي
سل مې جماتونه دي
سل مې شجرې دي، سل کتابه د نسب زما
وګوره دبدب زما
سل مې سفیرۍ کوي
سل زمیندارۍ کوي
سل مې نوکرۍ کوي
سل مې په قولبو پسې جامبړې په غوبل کښې ځي
سل مې په اردل کښې ځي
سل مې ماشومانې دي
سل په کښې ځوانانې دي
سل مې بوډۍ ګانې دي
سل مې مخکې وروستو، سل کم عقلې، سل هوښیارې ځي
سل په کښې ریبارې ځې
سل د شرافت په کښې
سل د شرارت په کښې
سل د حفاظت په کښې
سل په کښې د روم دي، سل د ترکو، د عرب زما
وګوره دبدب زما
سل دي دورانۍ په کښې
سل دي جرمنۍ په کښې
سل کوي خانۍ په کښې
سل سل اشرفۍ ترینه جلبې ته یو غزل کښې ځيح
سل مې په اردل کښې ځي
سل د باغیچو سره
سل مې د مورچو سره
سل د تمانچو سره
سل دې ټیکداره په جازونو کښې بمبارې ځي
سل په کښې ریبارې ځي
سل می دی ښکاریان پکی۔
سل می دی تازیان پکی
سل می دی هاتهیان پکی۔
سل په زنځیرونو سل تړلی په جلب زما۔
اوګوره دبدب زما۔
سل دي کتاب ګر زما
سل دی شهنازګر زما
سل دی جادوګر زما
سل د بنړو غشی سل اورنګه تری ځل ځل کی زی۔
سل می په اردل کی زی۔
سل پکی په وخت اوزی
سل سره د نخو زی۔
سل په بندی سخت اوزی۔
سل په کی نیزی سل ایرانٸ توری آبداری زی۔
سل پکی ریباری زی۔
او بله خبره دا ضروری ګنړم۔چه دا چاربیته ما په اوسنو فنکارانو هم د یو هلک په اواز اوریدلی ده۔په دی کی هغه واٸ چه سل سل اشرفٸ تری نه جلبٸ ته یو غزل کی زی دا بلکل غلط واٸ۔صحیح داسی دی۔چه سل سل اشرفٸ تری نه د جیبه یو غزل کی زی
۔ګرانه ټهکیدار بابا ته باباٸ چاربیته ویلی شی۔او په چاربیته کی ٸ صدارتی ایوارډ هم احیستی دی۔نو پکار دی چه مونګ ھغه الفاظ وایو چه کوم هغه لیکلی دی۔زه به ٸ درسره ډیری چاربیتی شریکی کم۔خو یوه خبره ستاسو علم کی راولم چه هغه ډیر لوی عالم سړی وو۔او ډیر پوهه خلق د هغه د الفاظو تشریح نه شی کولی۔او نه ٸ په چاربیته کی په بیان شوی موضوع پوهیګی۔خو پکار دې چه الفاظ ٸ درست اولولی۔۔مننه۔
Salim Khan
"عبدالواحد ټهیکدار"
......
By Abdul Wahid Tekadar. Pashto Times Pashto Classic Song Ogora Dub Dub Zama. This Classic Folk Pashto Song Written By Abdul Wahid Tekadar. Ogora Dab Dab Zama. Pashto Folk Song Complete Lyrics. Charbeta
Saud Bangash, Mumtaz Orakzai, Matiullah Turab Pashto New Poetry and Pashto Sherona 2022.
Pashto Sherona 2022. New Pashto Sherona, Pukhto Sherona. New 2022 Pashto Sherona. Sherona Aw Ghazalay.
Comments
Post a Comment
Thanks for visiting Pashto Times. Hope you visit us again and share our articles on social media with your friends.