Gallstone. Stone In Liver Explained In Pashto by Dr. Deedar Yousafzai.
#_د_تريخي_کاڼي
تريخے د انسان ښۍ طرف ته د اخري پختو نه لاندې د يوې نسکورې ناشپاتۍ پۀ شان د ډنډر نه ځانګي - د تريخي کار دا وي - چې اينه liver کومه مایع خارجوي - هغه پۀ تريخي کښې جمع کيږي - او بيا د خوراک د هضمولو له پاره ترې لږه لږه د کولمو اولې برخې ته ليږي - کله چې اينه ډېر کوليسټرول خارجوي يا د وينې يوه ماده بليروبين زيات خارجوي - نو تريخي ته راتلونکي دغه مايع نوره هم ټينګه شي - او د وړو شږو يا د ګټو شکل اختيار کړي - د خپل روټين خوراک پاتې کول ، يو دم ډېر وزن کمول ، پۀ خوارک کښې فائبر کمول يا د وزن زياتوالے د دې کاڼو د جوړېدو سبب کېدې شي -
د ځينو خلکو تريخے د کاڼو ډک وي - خو درد نه کوي او څۀ تکليف ترې نۀ وي - او ځينې وخت يوه ګيټۍ هم انسان د ډېر تکليف سره مخ کړي - د هغې وجه د کاڼي ځائے دے - تر څو چې ګټۍ پۀ دې ډنډر کښې نۀ وي نخښتي - نو درد يا ،تبه يا نور تکليف نۀ محسوسيږي - ځينې وخت پۀ خلکو د وقفې وقفې سره درد ځي او راځي - دا وقفه د ګنټو نه راواخله تر مياشتو پورې هم کېدے شي - د هغې وجه هم دا وي - چې دغه ګيټۍ د وجود د پوزيشن بدلېدو سره اکثر حرکت کوي او د هغې ډنډر نه د ناشپاتۍ هغې کڅوړې ته ولويږي - د دې ښۀ پته پۀ الټراساونډ کښې لګي -
د دې خبرې ضرور خيال ساتئ - چې د نېغ سملاستو نه علاوه ستاسو الټراساونډ پۀ ګس لاس ملاستې او پۀ ولاړې هم اوشي - ځکه چې پۀ تريخي کښې موجوده دغه مايع ډېره خوئينه وي - او ګټۍ پۀ اسانه د ډنډر نه د تريخې کڅوړۍ ته لوېږولے شي - چې پۀ نتېجه کښې ئې درد ختم شي - کۀ ستاسو تريخے د کاڼو نه ډک وي - خو چې درد نۀ کوي نو د اپرېشن يا د وېرې هېڅ ضرورت نشته - خو کۀ درد مسلسل وي - او ګټۍ د يوې هفتې د وقفې الټراساونډ نه پس هم پۀ دغه ډنډر کښې نخښتي وي - نو د دې مطلب دا وي - چې دغه ګټۍ پۀ ډنډر کښې پېوست شوې ده - او ناممکنه ده چې ځائے بدل کړي -
د درد د ګولو يا ستنو سره کۀ ارام نۀ درځي نو پکار ده چې اپرېشن ئې اوشي - د اللله نظام دے چې بنده له وي آي پي پروټوکال ورکوي - د تريخي مثال د سټپني دے - کۀ لرې هم شي نو د هاضمې نظام ډېر نه متاثره کيږي او ژوند ښۀ برابر تيريږي - نو تاسو به د خپل پروردګار د کومو کومو نعمتونو نه انکار کوئ -
ډاکټر ديدار يوسفزے
Gallstone. Stone In Liver Explained In Pashto by Dr. Deedar Yousafzai. Pashto Times. Pukhto Sehat. Pashto Health Info. Sehat. Da Gurdo Kanri. Pashto Doctor. Health In Pashto.
Comments
Post a Comment
Thanks for visiting Pashto Times. Hope you visit us again and share our articles on social media with your friends.