Kidney Stone. Kidney Stone Explained In Pashto.
By Dr. Didar Yousafzai
د_ګردو_کاڼي
د ګردو يا پختورګو د ګيټو متعلق اکثر د خلکو دا سوچ وي - چې ګنې زمونږ د څښلو پۀ اوبو کښې نرۍ شږه وي - هغه پۀ ګردو کښې جمع شي او ګيټۍ يا کاڼي ترې جوړ شي - داسې نۀ ده - د چا د څښلو پۀ اوبو کښې کۀ نرۍ شږه وي هم نو هغه کېلشيم کاربونېټ يا سيليکېټ شي - او هغه د معدې پۀ لار نېغ پۀ نېغه پۀ ډکو متيازو کښې بهر اوځي
د ګردو کاڼي پۀ ګردو کښې جوړيږي - ګرده چې تشې متيازې جوړوي - پۀ دې کښې بلها فاضل مادې وي - چې د وجود نه ئې اوباسي - کله چې پۀ متيازو کښې د اوبو مقدار کم وي نو متيازې ټينګې شي او دغه فاضل مادې پۀ يو بل پورې ونخښلي - او بيا ورو رور دومره غټې شي چې د ګردې نري رګونه ئې نشي فلټر کولے - (عموماً پۀ ورځ کښې دولس ګلاسه اوبۀ څښل پکار وي - چې متيازې د تېزابي اثر لاندې نۀ راځي - او دغه مادې پۀ يو بل پورې نۀ نخښلي -
د ګردو کاڼي عموماً درې قسمه وي - کېشليم اکزيلېټ ، کېلشيم فاسفېټ او د يوريک اېسډ کاڼي - خو د ټولو نه زيات تقريباً ۷۰ فيصدي دا اولنے قسم وي - د کېلشيم خوراک د وجود له پاره ډېر مهم دے - مونږ چې کوم پۍ ، غوښه يا اګۍ وغېره استعمالوو پۀ دې ټولو کښې کېلشيم وي - عموماً وجود دا کېلشيم پۀ خپل استعمال کښې راولي - او زياتي کېلشيم د ګردو پۀ ذريعه پۀ تشو متيازو کښې خارجيږي - خو چې کله متيازې ټينګې وي - نو دا کېلشيم سره د نورو فاضل مادو پۀ ګرده کښې جمع کېدل شورو شي - او کله چې ورسره د متيازو د ټينګوالي پۀ وجه اکزيلېټ يو ځائے شي - نو د دې نه کلکه ګټه جوړه کړي -
اکزېليټ تقريباً پۀ ټولو شنو سبزيانو او ټماټرو کښې وي - له دې وجې د ګردو پۀ کاڼو کښې ډاکټران د سبزيانو ممانعت کوي - د ګردو کاڼي عموماً درد نۀ کوي - خو کله چې دا د خپل ځائے نه اوخوځي او د ګردې پائپ ته را روانې شي - او يا د تشو متيازو پائپ کښې د راوتو له پاره حرکت کوي - نو ډېر درد کوي او اکثر ورسره پۀ تشو متيازو کښې وينه هم راځي - د اکزيلېټ کاڼي اکثر ښکره ور وي - نو د دې درد ډېر سېوا وي - تشخيص ئې د وينې پۀ ټېسټ ، الټراساونډ يا سي ټي سکېن کيږي - او علاج ئې پۀ اوبو څښلو ، دوايانو ، د کاڼي ماتولو يا د اپرېشن پۀ ذريعه کيږي -
ډاکټر ديدار يوسفزے
Calcium Stone In Kidney. Calcium Oxilate. What Is Kidney Stone?. How Kidney Stone Creates Pain? Why Kidney Stones Are Paining. How To Treat Kidney Stone. Pashto Health Blog about Kidney Stones.
Pashto Times Pashto Health Blogs about Kidney Stones.
Sponsored Links.
Best Hair Growth Multi Vitamins Supplement In Islamabad.
Best Hair Growth Multi Vitamins Supplement In Peshawar.
Best Hair Growth Multi Vitamins Supplement In Mingora Swat
Comments
Post a Comment
Thanks for visiting Pashto Times. Hope you visit us again and share our articles on social media with your friends.