Pashto Short Story. King And Shepherd, Pashto Motivational Short Story.

 Pashto Short Story. King And Farmer, Pashto Motivational Short Story.

The King And Farmer. Pashto Motivational.

کیسګۍ 

پاچا او بزګر 

پاچا په سېل ووت ، د سېل پر وخت پاچا سلامت یو بزګر ولید ، چې خپلو پټو کې په کار بوخت دی ، پاچا چې له چکره راستون شو ؛ نو ساتوونکو ته یې وویل چې هغه بزګر را حاضر کړئ

بزګر په لړزېدلو قدمونو د پاچا مخې ته ودرېده، پاچا امر وکړ ، چې بزګر ته پاکې جامې ، یوه کچره ، یوه کته او څو نغدې روپۍ ورکړئ ...!!! 

دا یې چې ورکړل ، بزګر په خوښۍ د پاچا له درباره روان شو ، دی چې څنګه روانېده، پاچا ورته په څټ کې یوه کلکه څپېره ورکړه

دربار کې ولاړ خلک او ساتونکي ټول حیران شول ، چې دا پاچا څه وکړل ، هلته یې دومره ونازوه او بیا یې څپېړه ورکړه ، بزګر هم هک پک ولاړ و

پاچا ورته وویل: ته ما نه پېژنې؟ 

زه او ته یو وخت کلک ملګري وو ، هغه شپه درته یادیږي ، چې ما او ته چیرته میلمانه وو ؟؟؟

شپې ناوخته موږه دواړو دُعا کوله 

ما له خدایه پاچاهی او د خلکو خدمت غوښته ، تا په څټ کې همداسې یوه کلکه څپېړه راکړه او راته دې وویل 

زه له خدایه یوه (کته) او (کچره) غواړم نه یې راکوي، تاته به پاچاهي او دومره لوړ مقام څنګه درکړي....؟؟؟

اوس مې کته او کچر په دې خاطر در کړل چې هغه وخت دې ارمان کړئ وو او څپېړه مې ځکه در کړه ، چې د هغه څپېړې بدل دې خلاص شي او عبرت ترې واخلې 

زه پاچا او د خلک خدمتګار شوم ، ځکه ما په خپل خدای ، خپلې دعا او خپل ځان بشپړ باور او ډاډ درلود 

خو تاته یې کته او کچر ځکه در نه کړل ، چې ته لومړۍ پر خپل ځان ، په خپله دُعا او پر خپل خدای باور او ډاډ نه درلود

 

Moral Of Pashto Motivational Story.

درس : (تر څو چې پر خپل ځان بشپړ باور او ډاډ ونه لرئ ، جرئت ونه کړئ ، ژوند کې موخې ونه لرئ ، (نه) به پرمختګ وکړئ او (نه) به مو دُعاوې قبولې شي)

-پرمختګ

Samsor Afghan.

Pashto Short Story. King And Farmer, Pashto Motivational Short Story.

Pashto Words and Meanings.

Bazgar Meaning Farmer Zamindar, Kashtkar.

Bacha, Pacha Means King In Pashto.

Dars Means Morale, Lesson or Teaching In Pashto.

Parmakhtag Means Development, Success, Progress In Pashto.

Darbar Means Court, King Court In Pashto.