Deep Fake : Deep Fake Video Making Explained In Pashto.

Deep Fake : Deep Fake Video Making Explained In Pashto.

Sheraz Khan Momand. Deep Fake Videos

د ډيپ فيک د فتنې په اړه يو ليک او خبرتيا په ځان فرض ګڼم ځکه چې زه وينم چې دغه فتنه به ډېره لويه تباهي راوړي نو غواړم چې تر خپل وسه ډېر خلک پرې خبر کړم او د دې فتنې د تباهۍ يي وژغورم ...

په نړۍ کښې زياتره خلک لګيا دي هره ورځ وړوکي او لوي تخليقات کوي چې انسانانو ته هم نوې اسانتياوې جوړې کړي او د خپل ژوند روزګار هم د دغه څيز په خرڅ روان کړي ...

خو ځيني بيا داسې شيطاني مغزو واله د انسانانو په شکل کښې ځناور هم شته چې د هغوي د ژوند روزګار د نورو انسانانو د ژوند ، ويني او عزت په خرڅ روان وي...

پخوا به دغه کارونه لږ ګران وو خو نړۍ چې جديد کيږي او انسانانو ته په سمو کارونو کښې اسانتياوې جوړيږي نو شيطاني فکرونو ته په شيطاني کارونو کښې هم اسانتياوې جوړيږي او نن سبا د

 Deep Fake

 دغه فتنه هم دغه شان يو اسان شيطاني فکر دی چې بې سواده اولس به تباه کړي ...

د بده مرغه زمونږ په منطقه يعني هندوستان او پاکستان کښې د بې روزګارۍ ، بې سوادۍ او جسماني او اعصابي Frustration

 لامله د جرم شرع ډېره زياته ده او د جنسي جرم شرع خو ډېره زياته ده چې مونږ هره ورځ وينو چې په مدرسو او لارو کوڅو کښې وړو ماشومانو سره جنسي وحشتونه کيږي خو Deep Fake 

دغه څيز اوس ډېر اسان کړل ...

زمونږ ټولنه يو خوا بې سواده ده او بل خوا څه زياته غېرتي هم ده او د بې سوادۍ او اضافي غېرت لامله د جهالت انتها ته رسېدلې ده چې يوه جينئ دومره پاکه وي چې د هغې په لمن مونځ هم کيږي خو بيا هم چې د ټولنې لخوا جينئ ته يوه ګوته هم پورته شي نو د جينئ ژوند عذاب شي او Deep Fake خو بيا داسې څيز دی چې هغه د پاکو ميرمنو نه کالي اوباسي ...

ملګرو

 Deep Fake

 يو داسې 

Software

 دی چې په هغې د يو چا د مخ عکس د بل چا په بدن ولګي او دا کار دومره په پخه او داسې طريقه کيږي چې يو ماهر کس هم دا نشي ويلی چې دا وډيو جعلي ده او د دغه وډيو د جعلي يا اصل کېدو پلټنې فقط په فرانزک ليب کښې کيږي ...

اوس زمونږ ټولنه کښې خدای مکړه د يوې جينئ جعلي وډيو جوړه شي او خپره شي نو غېرتي پشتانه خو بيا دا فکر نه کوي چې وډيو جعلي ده که اصل او نه پلټنې کوي او نه د خپلې مېرمنې خبره اوري نو بس د مېرمنې مرک لازم شي...

اوس په دغه حال کښې چې ميرمنه پوهيږي چې زما وډيو راتللو باندې به زما عزت هم ځي او زما ژوند به هم ځي يعني د بدنامۍ په مرګ به مرم نو هغه مېرمنه به څه کوي ؟؟؟

هغه مېرمنه به د جعلي وډيو جوړونکي د 

Blackmailing

 ښکار شي او د جعلي وډيو جوړونکي په لاسو کښې به لوبې کوي نو بيا د وډيو جوړونکي خوښه چی عزت ترې اخلي او که بل څه کار ترې اخلي...

نو تاسو ټولو ته زما يو خواست دی چې په خپلو خپلو کورونو کښې

 Awareness

 جوړ کړئ ، خپل ماشومان او مېرمنې په دې پوهه کړئ چې خدای مکړه تاسو ته چا داسې رقم

 Approach

 وکړل يا کلي مالت کښې کومې ميرمنې ته چا داسې Approach وکړل نو هغه دې دا خبره نه پټوي بلکه د کور مشر دې خبروي ...

د فتنو دور دی نو غېرتي پشتنو ته مې خواست دی چې لږ دا غېرت يو اړخ ته کړئ او اوس جديد فکرونه خپل کړئ ...

#شيراز_خان_مومند

Deep Fake : Deep Fake Video Making Explained In Pashto. Deep Fake Video Technology Explained. Pashto Blog, Pashto Info about Deep Fake Software.

Sheraz Khan Momand.