What And How Afghans Should Resist Taliban Rule In Afghanistan?

What And How Afghans Should Resist Taliban Rule In Afghanistan? Pashto Analysis About Afghan Crises.

By Adv Hamayun Kaasai.

د ظالم او مظلوم تر منځ چې کله د لاس نيولو خبره راشي نو د ظالم لاس به نيول کېږي، ظالم ته به د اصلاح خبره کېږي.

د مظلوم به ملاتړ کېږي

مظلوم ته دا ويل چې د ظالم او قبضه ګر جبر او ظلم ته دي غاړه کشېږدي ځکه چې تاوان رسوي. دا يوه غېر انساني، غېر اخلاقي، غېر اصولي، غېر اسلامي او غېر پښتني رويه ده

په افغانستان کشې اولس حق لري چې د آزادۍ او سيالۍ ژوند و کړي، تعلیم، کاروبار او روګاز و کړي.

ژوند په خپله طريقه او شرایطو تېر کړي، لکه د نړۍ پرمختللي قامونه چې تېروي

نو غږ بايد پر ټاليبانو و کړل شي ،ځکه چې دوى نه انساني مشروعیت لري او نه قانوني، پښتني او شرعي.

زموږ اکثره خلق غلطه دروازه ټکوي، مظلوم ته وايي چې ته مزاحمت مه کوه.

چې مزاحمت نه وي ،نو سيالي امکان نه لري. دا بيا بېله خبره ده، چې څوک د څه شي وس او توان لري.

بس چې څوک څه توان لري، هغه بايد خپل توان و کاروي.

او بله ډېره غېر اصولي او غېر منطقي خبره ځينې پښتانه دا کوي، چې دا مقاومت افغانستان ماتولى شي.

خبره دا ده که خداى نه خواسته افغانستان ماتېږي او د خراسان په نوم يو نوى ملک جوړېږي، نو پړه يې پر چا باندې ده?

آيا دري ژبې، ازبک، تاجک او هزاره به ګناهګار وي، او که نه پښتانه به ګناهګار وي?

پښتانه که غلي ناست او د ټاليبانو، ظلم، جبر او ناروا قبضې ته يې غاړه ايښودلې ده. نو د دې دا مطلب خو نه شو چې دري ژبې خلق به هم دغه غلامي او جبر ته غاړه ږدي.

پښتانه متل کوي وايي لا خو مېړه شه او لا د مېړه لمن ټينګه کړه.

پښتانه که د پنجاب رجمنټ په غلامي کشې مست دي،خپل ملي بېرغ او ملي ارزښتونو ته ارزښت نه لري، او خپل نسلونه د جهالت په تيارو کشې ساتل غواړي، نو د دې خو دا مطلب نه شو، چې نور قامونه به هم د دوى په شانتې غلامي قبلوي.

هر قام حق لري چې خپل د وس او توان او همت مطابق برخه ترلاسه کړي، ځکه چې خداى هن له همت ګرو سره مل وي.

تر هر څه مقدم انساني ژوند دى.

يعنې د انسانانو تر منځ د سيالۍ او آزادۍ ژوند.

د نړۍ يو ملک هم د انساني ژوند تر سيالۍ او آزادۍ زيات ارزښت نه شي درلودلى، هغه که بيا افغانستان وي او که بل کوم ملک.

نو دا خبره کول، چې مقاومت کوونکي ډله د افغانستان ماتولو سازش کوي، دا بلکل غلطه خبره ده.

د مقاومت ډله د خپلې سيالۍ جنګ کوي.

دا وظيفه د ټاليبانو ده، ځکه چې دوى ويل موږ د بهرني يرغلګرو پر زيد جنګ کوو، نو چې بهرني يرغلګر ولاړل، اوس د دوى د قبضې او جنګ يو مشروعیت هم نه شته.

بايد دوى ته اوس وو ويل شي او پر دوى فشار واچول شي، دا اوس د دوى پښتني، افغاني، انساني او ديني وظيفه جوړېږي چې د افغانانو جرګه را و غواړي او واک افغانانو ته په سمه و سپاري او دا رنګه له را روان جنګ څخه وطن او ملت و ژغوروي.

د هر ريښتني، پښتون افغان او مسلمان دا وظيفه جوړېږي، چې پر ټاليبانو فشار واچوي، چې خپله غېر شرعي، غېر پښتني او غېر انساني رويه پرېږدي او ملت او ملي ارزښتونو ته غاړه کشېږدي.

او که چېرې دوى داسې نه کوي او افغانستان خداى نه خواسته د تقسیم پر لور ځي نو په تاریخ کشې به دوى مختورن وي او ټوله پړه به پر دوى باندې وي.

جنګ يو چا ته خوند نه ورکوي او نه جنګ چندانې شه شى دى، خو يو جنګ د ناروا قبضې ساتلو له پاره وي او يو جنګ د ژوند حق ترلاسه کولو له پاره وي.

د قبضې جنګ کفر دى او د ژوند د حق جنګ ديني، انساني فريضه او عبادت دى

What And How Afghans Should Resist Taliban Rule In Afghanistan? Pashto Analysis About Afghan Crises. A Way Forward For Afghans To Resist Taliban Tyrant Rule and have Freedom. Pashto Times Blogs.

Pashto Times, Pashto Pedia, Pashto Info, Pashto Blogs, Pashto World. Pashto Pedia, Pashto Wikipedia.