Afghans Who Want To Go Cyprus Via Iran. Pashto Info Blog About Cyprus Visa
دا له قبرس څخه د یو افغان محصل پیغام دی. له ما یې وغوښتل چې د هغه د نوم له لیکلو پرته یې دلته خپور کړم:
"قبرس ته په اوسنیو حالاتو کې ډېری افغان وروڼه غواړي د مجبوریت او یا هم د ښه ژوند جوړولو په پار پناه یوسي. دغه هېواد ته د راتلو لپاره افغانان اړین دي چې لومړی د اېران وېزه واخله او بیا له اېران څخه قبرس ته لاړ شي، خو بدبختانه له ایران څخه په دغو اسنادو نشي وتلای او ددوی تګ په هغه صورت کې کیږي چې غېر قانوني پیسې ورکړي.
یاد هېواد ته د راتلو یواځینۍ لار داده چې په شمالي قبرس کې باید د تحصیل لپاره په پوهنتون کې داخله وکړې او له شمالي بیا جنوبي قبرس ته د انساني قاچاق په ډول محصلین ځي. جنوبي قبرس ته د تللو څخه وروسته لومړی افغانان د مهاجرت نړیوال سازمان کېمپ ته داخلیږي او تر دوو میاشتني ځنډ وروسته له کېمپ څخه ویستل کیږي، خو د کېمپ څخه د وتلو په صورت کې هم له زیاتو ستونزو سره مخ کیږي
لکه: د کاري زمینې نه برابرېدل، د مهاجرت د اسنادو ځنډ او داسې نورې ستونزې. دغو مهاجرینو ته له مهاجرت مخکې داسې خبرې کیږي چې په جنوبي قبرس کې د میاشتې عاید له ۱۵۰۰ یورو نیولې تر ۲۰۰۰ یورو پورې دی خو حال دا چې کله مهاجر له کېمپ څخه ووېستل شي په ډېرې سختۍ سره د کار تر پیدا کېدو وروسته میاشتنۍ عاید تر ۶۰۰ یورو هم لاس ته نشي راوړلی او دوی مجبور دي چې ځان بېرته کېمپ ته وسپاري تر څو یې بېرته افغانستان ته انتقال کړي
هېره دې نه وي چې په شمالي قبرس کې په معتبر پوهنتون کې له ۱۳۰۰ یورو پورته مصرف نکیږي خو بدبختانه چې له افغان محصلینو څخه تر ۵۰۰۰ ډالر اخیستل کېږي چې په اوس حالاتو کې د یو افغان سره د ظلم اخري حد ده.یو له هغو راغلو افغانانو څخه زه یم چې شاوخوا پنځه میاشتې کیږي یاد هېواد ته د خپلې ماسټرۍ تر لاسه کولو لپاره راغلی یم، خو بدبختانه هغه څه چې ما فکر کاوه هغسې نه وو د درس کچه یې هغسې نه وه چې ما یې فکر کاوه او حتا د پوهنتون کارت له ترکیې څخه ورته راوړل کیږي. نو فلهذا له ټولو افغانانو وروڼو او خوېندو څخه مې دا هیله ده چې غلط نشي، دا زما انساني مسوُلیت و چې تر تاسو مې در ورساوه. مننه."
.png)
Comments
Post a Comment
Thanks for visiting Pashto Times. Hope you visit us again and share our articles on social media with your friends.