Ogora Dab Dab Zama. Pashto Classic Song Lyrics.
Pashto Singer. Irfan Khan Song
Pashto Song. Ogora Dab Daba Lyrics.
«چاربیته»
شاعر: عبدالواحد ټېکدار (بابای چاربیته)
***
وګوره! دبدب زما
سل مې په اردل کې ځي
سل مې غلامان دي، سل اسونه په سل لارې ځي
سل پکښې ریبارې ځي
سل مې محلونه دي
سل مې برجلونه دي
سل په کې ډالونه دي
سل پرې اوېزاندې کټارۍ دي؛ د غضب زما!
وګوره دبدب زما
سل دي جلادیان پکې
سل دي دورانچیان پکې
سل دي نوکران پکې
سل می لګیدلي خنجرونه په اوربل کې ځي
سل مې په اردل کې ځي
سل دي سهیلۍ زما
سل ګډې، چیلۍ زما
سل پړي، سیلۍ زما
سل مې کجاوي؛ د سلو سترګو راته دارې ځي
سل پکې ریبارې ځي
سل مې صفتونه دي
سل مې نوبتونه دي
سل مې جوماتونه دي
سل مې شجرې دي، سل کتابه د نسب زما!
وګوره دبدب زما
سل مې سفیرۍ کوي
سل زمیندارۍ کوي
سل مې نوکرۍ کوي
سل مې په قولبو پسې جامبړې په غوبل کې ځي
سل مې په اردل کې ځي
سل مې ماشومانې دي
سل پکې ځوانانې دي
سل مې بوډۍګانې دي
سل مې مخکې وروستو، سل کم عقلې، سل هوښیارې ځي
سل پکې ریبارې ځي
سل په زړہ زخمونه مې
سل سل پرهرونه مې
سل قسمه دردونه مې
سل ځله غوڅېږي; زړهٔ نادان دی, بې ادب زما!
وګوره دبدب زما
سل یې اداګانې دي
سل یې جفاګانې دي
سل یې خنداګانې دي
سل یې ښائیستونه اننګو له په ول ول کې ځي
سل مې په اردل کې ځي
سل واره غړۍ ماله
سل سپینې کوکۍ ماله
سل واره خولګۍ ماله
سل وارې دې مړ شم؛ که مې سر په دغه لارې ځي
سل پکې ریبارې ځي
سل د شرافت پکې
سل د شرارت پکې
سل د حفاظت پکې
سل پکې د روم دي، سل د ترکو، د عرب زما
وګوره دبدب زما
سل دي درانۍ پکې
سل دي جرمنۍ پکې
سل کوي خانۍ پکې
سل سل اشرفۍ ترینه جلبۍ ته یو غزل کې ځي
سل مې په اردل کې ځي
سل د باغیچو سره
سل مې د مورچو سره
سل د تمانچو سره
سل دې ټیکداره! په جازونو کې بمبارې ځي
سل په کې ریبارې ځي ـ
Comments
Post a Comment
Thanks for visiting Pashto Times. Hope you visit us again and share our articles on social media with your friends.