Arshad Sharif Death. Why People Celebrating Arshad Sharif Death

Arshad Sharif Death. Why People Celebrating Arshad Sharif Death?

By Amer Yousafzai.

ایا په موږ کې انسانیت ختم شو ،؟

د ارشد شریف ښځې جویریه صدیقی د خپل خاوند په مړینه د خپلې پاڼې نه خبر ورکړو او تر اوسه پورې پرې دوه زره خلګو د خندا سټیکر ( ایموجي ) ورکړو چې پکې زه خپله هم شامل ووم .

د انسانیت تقاضا خو دا وه چې موږ ورسره غمرازي ښکاره کړی وی خو ولې موږ ته زموږ مذهب ، کلتور ، او روایت د خپل ځان لپاره د انصاف او بدلې اجازه هم راکړې .

موږ ته زموږ د غریب او بې وسه پښتون او د هغه سره په جغرافیه کې دننه د هر قام ،رنګ او مذهب لرونکي هاغه اوښکې وینې احترام لري او د هغې لپاره به انصاف غواړو کومې چې دې خلګو او د دوي سهولتکارو بیهولي او چاچې دوي ته لارې سازې کړي .

ارشد شریف د هغې سهولتکارو نه یو وو چاچې د خیسور د حیات د مورکۍ ، د ارمان لوڼي عارف وزیر او د خړ کمر په قتل عام سینه نه لا نه وه یخه او فوځ ته یې ویل تاسو بنګړي واچوۍ چې دوي مو تر نن پورې ختم نه کړل .

موږ ته هاغه فوځي او هاغه دالب او د هغوي د میډیا سهولتکار یو شای دي کوم چې د پښتون په وینه خپل کاروبارونه کوي د هغوي کورونه ړنګوي او د هغې میاندې ژړوي .

موږ نه په دوي پسې ټ و پک راخلو نه ډانګ او نه په دغه یقین ساتو البته موږ عدالت غواړو انصاف غواړو او انصاف مدام انسانیت پرسته خلګ غواړي ،خو د بده مرغه دلته د انصاف مور مړه ده او د عدالت جنازه وتې.

البته زموږ د بې وسه قام قاتل او د هغوي د میډیا او د سیاسي ګوندونو په سهولتکارو که د شین اسمان سور تندر رالویږي او یا که په کینیا او اسلام اباد کې یې لګړ بګړ وینې څښي او یا که د بل چا په لاس منطقي انجام ته رسیږي نو دا به ضرورو وایو چې د خدای تعالی په در کې هیڅ د انصاف کمی نه وو او هغه د خپل بهترین عدالت د لارې موږ ته انصاف راکړو .