Rahmat Shah Sayel. Pashto Ghazal Poetry Of Rahmat Shah Sail.

ما درله د ګل جنازه نه راوړه

راغلم خو په لاس کې مې لمبه راوړه

پاڅه خوبولې سترګې پرانیزه

ما درله د ورځ رڼا په شپه راوړه

توان د اودریدو لرې که نه لرې ؟

اوښکو مې تازه یوه قیصه راوړه

تنده مې پرې ستا د زلفو ماته کړه

دا هوا د چرته نه وږمه راوړه ؟

بې د یار له ذکره، فکره بل کمال ؟

روح له مې اسباب د ګناه مه راوړه

څړ یکه د #سائل د زړه پرهر اوکړه

زلفې کړه خورې ورې ، ډیوه راوړه

Pashto Times