Taliban Raids and Suspends Solo Women Run Radio Begum In Kabul Afghanistan.
طالبانو د بېګم راډیو دوه نارینه کارکوونکي نېولي!
د بېګم راډیو وایي، استخباراتي ځواکونو او د طالبانو د اطلاعاتو او کلتور وزارت کارکوونکو په کابل کې د راډیو پر دفتر چاپه وهلې او دوه هغه نارینه کارکونکي یې نیولي چې د ادارې لوړې څوکۍ نه لري.
دغې راډیو نن په یوه خبرپاڼه کې ویلي، طالبانو د ښځینه خبریالانو کمپیوټرونه، هارډ ډرایو، اسناد او موبایل ټیلیفونونه هم له ځانه سره وړي دي.
د طالبانو د اطلاعاتو او کلتور وزارت پرون اعلان وکړ چې د بیګم راډیو خپرونې یې د خپرونو له پالیسۍ څخه د ګڼو سرغړونو او له جوازونو څخه د ناوړه ګټې اخیستنې له امله ځنډولې دي.
وزارت دا هم وویل چې رادیو بیګم له افغانستانه بهر د یوه تلویزیون لپاره مواد او پروګرامونه چمتو کول.
یادې راډیو د خبرپاڼې له مخې، پر طالبانو غږ کړی چې ژر تر ژره دې خپل کارکوونکي خوشې کړي او زیاتوي چې موخه یې د نجونو لپاره د زده کړې زمینه برابرول او د افغان ښځو ملاتړ دی او هیڅکله یې په سیاسي فعالیتونو کې لاسوهنه نه ده کړې.
بیګم راډیو د ۲۰۲۱ کال د مارچ په اتمه د ښځو د پیوستون د نړیوالې ورځې په مناسبت جوړه شوه او د هغې زیاتره کارکوونکې ښځې وې.
Meanwhile Zwanan Radio On FM Also Went Offair with Begam Radio.
خبرتیا!
د ځوانانو راډیو ګرانو اوریدونکو ممکن تاسو ته دا پوښتنه پیدا شوی وي چې ولې دځوانانو راډیو په دې دوو ورځو کې خپرونې نه لري؟
د۱۴۰۳ کال د سلواغۍ په ۱۶ ، د اسلامي امارت مسؤلینو د دې رسنۍ د بیګم رادیو سره د ګاونډيتوب له کبله پرته له کوم بل دلیل څخه نشرات ودرولې او د کرکټ ورزشي خپرونې یو نطاق له ځان سره بیولی دی، چې تر اوسه د هغه په اړه کوم خبر نشته. که غواړئ چې د ځوانانو راډیو له لارې همداسې ورزشي خپرونه خپاره شي، نو له تاسو څخه هیله کوو چې زموږ د کرکیټ د خپرونې همکار د خوشې کولو او دځوانانو راډیو د نشراتو د بیا پیلولو لپاره له هرې ممکنې لارې له موږ سره همکاري وکړئ.
په درنښت
Comments
Post a Comment
Thanks for visiting Pashto Times. Hope you visit us again and share our articles on social media with your friends.