Pashto Ghazal in Pashto Text. Pashto poetry In Text. Dr. Khaliq Ziar Pukhto Shayeri

دا خو ستا د ښکليو سترګو برکت دے

چې راوړے مې ایمان پۀ محبت دے

چې غړۍ د سړي هسکه پکښې نۀ وي

دغه ژوند خو هډو ژوند نۀ دے لعنت دے

زما خپله نشه ډېره، مستي ډېره

خو ارمان مې د ساقي د شونډو ست دے

کۀ هر څو مې ده وخت ملا راټیټه کړې

سر مې اوس هم لا د ډېرو نه اوچت دے

زړۀ مې اخلې او کۀ نه خوښه دې خپله

بس یوه خوږه خبره یې قېمت دے

د هر کوره د بارودو بوي راخېژي

هر پښتون پۀ خپلو وینو کښې لت پت دے

د جانان نامه به ناخلې پابندي ده

نور کۀ هر څۀ وایي زیار ته اجازت دے

ډاکټر خالق زيار

Pashto Times